Beeline-ի ինտերնետը մինչև 100 Մբ/վ արագությամբ հասանելի է դարձել Աբովյանի և Արտաշատի բնակիչներին

ԵՐԵՎԱՆ, 26 մայիսի. /ԱՌԿԱ/. «ԱրմենՏել» ՓԲԸ–ն (ապրանքանիշը` Beeline)  հայտարարում է Աբովյանում, Արտաշատում, ինչպես նաև Նորագյուղ և Ոստան համայնքներում ֆիքսված ենթակառուցվածքի արդիականացման աշխատանքների ավարտի մասին, հաղորդում է ընկերության մամուլի ծառայությունը։

Նոր VDSL ցանցին անցնելու շնորհիվ` այս բնակավայրերի բնակիչներին հասանելի դարձավ 100 Մբ/վ արագությամբ ինտերնետը:

Նոր տեխնոլոգիայով մատուցվող ինտերնետն ապահովում է մինչև 20 անգամ բարձր ֆիքսված ինտերնետի արագություն, քան տրամադրվում էր նշված բնակավայրերի բնակիչներին նախքան ցանցի արդիականացումը:

«Ինտերնետի նոր տեխնոլոգիան, որը հասանելի է դարձել Աբովյանում և Արտաշատում, ADSL տեխնոլոգիայի արդիականացման արդյունք է. միայն այստեղ արագությունը մի քանի անգամ բարձր է, և, փաստացի այն հասնում է օպտիկական ինտերնետի արագությանը: Ամբողջ ցանցը կառուցված է օպտիկա-մանրաթելային մալուխի միջոցով: Բաժանորդը պետք է միայն միացնի հեռախոսային գիծը մոդեմին և վայելի գերաարագ ինտերնետի հնարավորությունները: Ես շնորհավորում եմ մեր նոր և գործող ֆիքսված ինտերնետի բաժանորդներին` ծառայությունների նոր որակի կապակցությամբ և ուզում եմ ասել, որ Beeline-ը կշարունակի ենթակառուցվածքի արդիականացումը` դարձնելով մեր բաժանորդների կյանքը էլ ավելի լավը», - նշել է Հայաստանում Beeline-ի գլխավոր տնօրեն Անդրեյ Պյատախինը:

Beeline ինտերնետին միանալու համար կարելի է, մասնավորապես, Neo Max ծառայությունների փաթեթների բաժանորդ դառնալ, որը հնարավորություն է տալիս ամսական 5990 դրամ վճարելով ստանալ անսահմանափակ զանգերի հնարավորություն Beeline բջջային ցանցի ներսում, 3 ԳԲ բջջային ինտերնետ, 150 SMS հաղորդագրություն, ֆիքսված ինտերնետ մինչև 50 Մբ/վ արագությամբ և BeeTV-ի 20 հեռուստաալիք անվճար դիտելու հնարավորություն: Սկսած ամսական 10990 դրամից Beeline-ն առաջարկում է Quatro ծառայությունների փաթեթների շարքը: Այն ներառում է անսահմանափակ զանգեր Beeline բջջային ցանցի ներսում, մինչև 200 րոպե զանգեր այլ ՀՀ օպերատորների բջջային ցանցեր, մինչև 10 ԳԲ բջջային ինտերնետ, մինչև 300 SMS հաղորդագրություն, ֆիքսված ինտերնետ մինչև 100 Մբ/վ արագությամբ և BeeTV-ի մինչև 133 հեռուստաալիք անվճար դիտելու հնարավորություն: Neo Max և Quatro ծառայությունների փաթեթների օգտագործման առաջին ամիսն անվճար է:

Հավելյալ տեղեկատվություն կարելի է ստանալ` հաղորդագություն ուղարկելով Facebook  ցանցում Beeline Armenia պաշտոնական էջին, զանգահարելով 0611 անվճար համարին կամ մոտակա Beeline գրասենյակներում:

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-

Ծանոթացեք լուրերին առաջինն ու քննարկեք դրանք մեր Telegram-ում

17:51 26.05.2017