Beeline-ի տնօրենն անձամբ «Ֆիքսված ինտերնետ և սմարթֆոն 1 դրամով» ակցիային միացած առաջին բաժանորդին հանձնեց սմարթֆոն

ԵՐԵՎԱՆ, 21 մարտի. /ԱՌԿԱ/.  Հայաստանում Beeline-ի գլխավոր տնօրեն Անդրեյ Պյատախինն անձամբ հանձնեց Beeline Smart 8 սմարթֆոնը «Ֆիքսված ինտերնետ և սմարթֆոն 1 դրամով» ակցիային միացած առաջին բաժանորդին` Գեղամյանների ընտանիքին Երևանից:

Գեղամյանների Beeline-ի օպտիկական ինտերնետի առաջին հաճախորդն է:

«Թույլ տվեք իմ խորին շնորհակալությունը հայտնել Գեղամյանների ընտանիքին մեզ հյուրընկալելու, և նաև այն բանի համար, որ նրանք առաջինն արձագանքեցին մեր առաջարկին` միանալու «Ֆիքսված ինտերնետ և սմարթֆոն 1 դրամով» ակցիային: Հանդիսանալով Հայաստանի խոշորագույն կապի օպերատոր` Beeline-ը ձգտում է առաջարկել իր հաճախորդներին բջջային և ֆիքսված կապի ծառայությունների էլ ավելի պարզ, հարմար և մատչելի փաթեթներ, իսկ մեր ակցիան սմարթֆոնի տրամադրմամբ առաջակը դարձրեց էլ ավելի գրավիչ», - նշել է Պյատախինը:

Նշենք, որ ս.թ. մարտի 11-ից մինչև ապրիլի 30-ը ներառյալ բոլոր FTTB ծառայության նոր բաժանորդները, ովքեր կմիանան Neo Max կամ Quatro Best/Quatro Max սակագնային փաթեթներին կարող են ձեռք բերել Beeline Smart 8 սմարթֆոնը 1 դրամով: Այդ ակցիայի շրջանակում բաժանորդներին տրամադրվում է օպտիկակական ինտերնետ մինչև 100 Մբ/վ արագությամբ, բջջային անսահմանափակ հեռախոսազանգեր ցանցի ներսում, գերարագ բջջային ինտերնետ և ժամանակակից հեռուստատեսություն:

«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-

Ծանոթացեք լուրերին առաջինն ու քննարկեք դրանք մեր Telegram-ում

18:40 21.03.2017