Beeline-ն առաջարկում է ապառիկով գնել iPhone 8 և iPhone 8 Plus՝ տոկոսների փոխարեն վճարելով կապի համար
ԵՐԵՎԱՆ, 14 նոյեմբերի. /ԱՌԿԱ/. Beeline-ը հայտարարում է տարաժամկետ վճարման հնարավորությամբ iPhone 8 և iPhone 8 Plus սմարթֆոնների վաճառքի մասին, հաղորդում է ընկերության մամուլի ծառայությունը։
Այս երկու մոդելները հնարավոր է գնել Beeline-ի վաճառքի և սպասարկման գրասենյակներում՝ ամսական վճարելով 19 170 դրամից սկսած՝ «Սմարթ 5500» սակագնային փաթեթին բաժանորդագրվելու դեպքում։ Այս առաջարկից օգտվելիս հաճախորդը չի վճարում որևէ տոկոս կամ հավելավճար։
Ապառիկը կարելի է ձևակերպել 12, 18 և 24 ամսով, իսկ վճարումները կատարել բոլոր վճարային տարբերակներով, մասնավորապես՝ Beeline գրասենյակներում, տերմինալներով, բանկերում և առցանց:
«Մենք միշտ ձգտում ենք ապահովել մեր հաճախորդների հարմարավետությունը՝ նրանց տրամադրելով առավել պարզ և հարմար առաջարկներ և ծառայություններ։ Եվ մեր հաճախորդները բարձր գնահատեցին տարաժամկետ վճարմամբ հեռախոս գնելու հնարավորությունը, որի ժամանակ նրանք տոկոսների փոխարեն վճարում են կապի ծառայությունների համար։ Առավել ևս, որ մենք առաջարկում ենք վճարումներ կատարելու շատ հարմար տարբերակներ, այդ թվում առցանց և տերմինալների միջոցով», - նշել է Հայաստանում Beeline-ի գլխավոր տնօրեն Անդրեյ Պյատախինը:
Տվյալ առաջարկի շրջանակում Beeline-ի վաճառքի և սպասարկման գրասենյակներում կարելի է տարաժամկետ վճարման պայմանով գնել սմարթֆոնների տարբեր մոդելներ, որոնց արժեքը կազմում է 30 000 ՀՀ դրամից մինչև 550 000 ՀՀ դրամ, «Սմարթ» հետվճարային սակագնային փաթեթներից որևէ մեկի հետ՝ կախված սմարթֆոնի արժեքից:
Առաջարկի շրջանակում ապառիկը ձևակերպվում է ՎՏԲ-Հայաստան Բանկի կամ Յունիբանկի միջոցով` Beeline-ի գրասենյակներում կամ www.beeline.am կայքում։
«ՎԵՈՆ Արմենիա» ՓԲԸ-ն (Beeline ապրանքանիշ) հանդիսանում է «Վեոն» ընկերությունների խմբի մի մասը, որը հանդիսանում է աշխարհի խոշորագույն ինտեգրված օպերատորներից մեկը: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ ավելի քան 235 մլն. բաժանորդների Ռուսաստանում, Իտալիայում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղըզստանում, Լաոսում, Ալժիրում, Բանգլադեշում և Պակիստանում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Mobilink», «Banglalink» և «Djezzy» ապրանքանիշերի ներքո: Մանրամասներին կարելի է ծանոթանալ www.veon.com կայքում: –0–
Ծանոթացեք լուրերին առաջինն ու քննարկեք դրանք մեր Telegram-ում
18:27 14.11.2017
