eBay-ը գործարկել է հայացքով կառավարվող վիրտուալ առաջին խանութն աշխարհում
ԵՐԵՎԱՆ, 20 մայիսի. / ԱՌԿԱ/. Ամերիկյան eBay ընկերությունը գործարկել է աշխարհում առաջին խանութը, որը գործում է վիրտուալ իրականությունում: Նախագիծը ստեղծվել է ավստրալական Myer ռեթեյլերի հետ համատեղ: Ինչպես հաղորդում է Lenta.ru-ն, հղում անելով Mashable-ին, խանութի բացումը մայիսի 18-ին էր:
eBay Virtual Reality Department Store ծրագիրը, որը թույլ է տալիս հայտնվել վիրտոալ խանությում VR ակնոցի միջոցով, հասանելի է Android և iOS օպերացիոն համակարգերով գործող սարքերի համար: Բոլոր նրանց համար, ովքեր չունեն հատուկ գաջեթներ, Myer-ը և eBay-ը պատրաստել են 20 հազար անվճար Google Cardboard-ներ։
Հատուկ վիրտուալ շոփինգի համար ձևավորվել է նաև eBay Sight Search տեխնոլոգիան, որը թույլ է տալիս կառավարել սեփական գործողությունները հայացքով: Կոնկրետ ապրանք ընտրելու համար, հարկավոր է մի քանի վայրկյանի ընթացքում ուշադիր նայել այդ առարկային:
Ծրագրի մշակողները խոստանում են, որ հետագայում ալգորիթմը կսովորի ապրանքներ առաջարկել գնորդներին` հիմնվելով նախորդ գնումների վրա:
Դեռևս 3D ձևաչափով կարելի է դիտել միայն 100 ամենաաճանաչված ապրանքները: Եվս 12,5 հազար ապրանքներ հասանելի են 2D ձևաչափով:
eBay Inc ըկերության հիմնական ակտիվն eBay ինտերնետ-աճուրդն է: Ընկերությունն ունի նաև օնլայն խանութ և մի քանի ցանցային ծառայություններ: -0-
Ծանոթացեք լուրերին առաջինն ու քննարկեք դրանք մեր Telegram-ում
13:07 20.05.2016