Հայտնի է iPhone-ի հիշողութունը մաքրելու հնարավորությունը
ԵՐԵՎԱՆ, մայիսի 23. /ԱՌԿԱ/. iOS 10-ում հայտնաբերվել է թաքնված հնարավորություն, որը թույլ է տալիս մաքրել iPhone-ի հիշողությունը:
Այս մասին գրում է Lenta.ru –ն` հղում անելով ZDNet պորտալին:
Խոսքը «Պահոցի օպտիմալացում» կոչվող գործառույթի մասին է, որը հայտնաբերվել էր դեռ iOS 9-ում: Սակայն այդ չափորոշիչի կառավարման հնարավորությունը միայն հիմա է հայտնվել: Դրա ակտիվացման համար անհրաժեշտ է մտնել «Կարգավորումների» «Երաժշտություն» բաժին:
Այն բանից հետո, երբ սմարթֆոնի պահոցը կսպառվի, համակարգն ինքնաբերաբար կջնջի ձայնագրությունները, որոնք վաղուց չեն վերարտադրվել: Օգտատերը կարող է ինքը նշել, թե ինչ քանակությամբ ձայնագրություններ կարող են ընդգրկվել իր երաժշտացանկում։ Այդ գործառույթը կարող է հիշողության մեջ տեղ ազատել:
Նախորդ տարվա նոյեմբերին iOS 10.2 օգտատերերրը հայտնաբերել են հրատապ օգնություն կանչելու թաքնված գործառույթը: Ոստիկանություն կամ շտապօգնություն կանչելու համար անհրաժեշտ է 5 անգամ սեղմել սմարթֆոնի միացնելու/արգելափակելու սեղմակը: Դրանից հետո կհավաքվի հրատապ օգնության հեռախոսահամարը, ինչպես նաև հաղորդագրություն կուղարկվի նախօրոք նշված հեռախոսահամարին` սմարթֆոնի տիրոջ գտնվելու տեղանքի մատնանշմամբ: -0-
Ծանոթացեք լուրերին առաջինն ու քննարկեք դրանք մեր Telegram-ում
12:55 23.05.2017