Ucom-ի բաժանորդներն այսուհետ կարող են Ռուսաստան զանգել առանց հավելյալ կոդերի

ԵՐԵՎԱՆ, 12 ապրիլի. /ԱՌԿԱ/. Ucom ընկերության U!1500, U!2000 և U!3000 կանխավճարային, ինչպես նաև «Ունիվերսալ» հետվճարային սակագնային փաթեթների բաժանորդներն ապրիլի 12–ից կկարողանան իրենց րոպեների ամսական ներառումներն օգտագործել նաև Ռուսաստանի Դաշնության ՄեգաՖոն ցանց զանգելու համար, հայտնում է ընկերության մամուլի ծառայությունը։

«Ամսական ներառումներն սպառելուց հետո վերոնշյալ կանխավճարային սակագնային պլանների բաժանորդները ՄեգաՖոնի ցանց կզանգեն տեղական այլ ցանցեր իրականացվող զանգի՝ 15 դրամ/րոպե սակագնով, իսկ հետվճարային՝ Ունիվերսալ սակագնային պլանների բաժանորդները կզանգեն շուկայում լավագույն՝ 12 դրամ/րոպե սակագնով»,– ասվում է հաղորդման մեջ։

ՄեգաՖոնի ցանց զանգելու՝ 15դրամ/րոպե սակագինը գործում է նաև U!1000 կանխավճարային սակագնայինպլանի բաժանորդների համար:

Պարզապես անհրաժեշտ է առանց ավելորդ կոդերի հավաքել ռուսաստանյան ՄեգաՖոն ցանցի այն հեռախոսահամարը, որին բաժանորդը ցանկանում է միանալ:

Ընկերությունից հիշեցնում են, որ Ucom–ի բոլոր բաժանորդները կարող են զանգել Ռուսաստանի մյուս ցանցեր 30 դրամ/րոպե սակագնով՝ հավաքելով համարը 0099 հատուկ կոդով (օրինակ՝ 0099 7 495 1234567):

Ucom (Universal Communications) հայկական ընկերությունը հիմնադրվել է 2007 թ.: Հանդիսանալով Հայաստանյան հեռահաղորդակցային շուկայի առաջատարներից մեկը, Ucom ընկերությունը առաջարկում է այս ոլորտում ծառայությունների լիարժեք շարք՝ գերարագ սիմետրիկ ինտերնետ, IP հեռուստատեսություն և ֆիքսված թվային հեռախոսակապ: Համագործակցելով Ericsson ընկերության հետ, Ucom-ը կառուցում է նոր սերնդի ամենամեծ օպտիկամանրաթելային ցանցը Հայաստանում: -0-

 

Ծանոթացեք լուրերին առաջինն ու քննարկեք դրանք մեր Telegram-ում

17:01 12.04.2017