Wildberries ինտերնետային խանութի հարթակում գլոբալ խափանում է
ԵՐԵՎԱՆ, 14 մարտի./ԱՌԿԱ/. Այսօր առավոտյան խոշոր խափանում է գրանցվել Wildberries հարթակում, գրում է Telecom Times ռեսուրսը։
Downdetector.ru–ի տվյալներով, խնդիրներ են գրանցվել ինտերնետային խանութի կայքում և բջջային հավելվածում։ Օգտատերերը բողոքում են, որ համակարգը չի ճանաչում անձնական էջերը, անհետացել են գնորդի անվան, առաքմանը հետևելու, ընթացիկ պատվերների մասին տվյալները։
Հարթակի հաճախորդներն ուղարկել են խափանումների մասին ավելի քան 2 հազար հաղորդագրություն, և նրանց թիվը շարունակում է աճել։
Խնդիրներ կան նաև մատակարարների անձնական էջերում, նրանց մեծ մասի մոտ հավելվածն ընդհանրապես չի աշխատում։
Wildberries–ի պաշտոնական Telegram ալիքում, որը նախատեսված է գործընկերների համար, հայտնվել է հաղորդագրություն ապրանքանիշի ներկայացուցիչներից. «Հարգելի գործընկերներ, մոտ ժամանակներում կվերականգնվի կայքի նորմալ աշխատանքը։ Իրականացվող աշխատանքների ավարտի ժամկետները դեռ պարզ չեն»։–0–Ծանոթացեք լուրերին առաջինն ու քննարկեք դրանք մեր Telegram-ում
11:45 14.03.2022