Facebook-ում hայկական ամենաճանաչված բանկերի վարկանիշը

ԵՐԵՎԱՆ, 5 դեկտեմբերի. /ԱՌԿԱ/. «ԱՌԿԱ» գործակալությունը ներկայացնում է 2012թ.-ի նոյեմբերի 30-ի դրությամբ Facebook սոցիալական ցանցում 10 ամենաներկայացված ՀՀ առևտրային բանկերի վարկանիշը:

Վարկանիշի թոփ տասնյակում ընդգրկվել են այն բանկերը, որոնք ցանցի իրենց պաշտոնական էջերում լայքերի առավելագույն քանակ ունեն: Մասնավորապես` վարկանիշում ընդգրկվել են՝ ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ, Յունիբանկը, ՎՏԲ-Հայաստան Բանկը, Կոնվերսբանկը, Ամերիաբանկը, Անելիք Բանկը, Զարգացման Հայկական Բանկը, Արդշինինվեստբանկը, HSBC Բանկ Հայաստանը և Ինեկոբանկը:

Հայաստանում այսօր գործում է 21 բանկ, դրանցից միայն 18-ը պաշտոնական էջ ունեն Facebook սոցիալական ցանցում: Ընդ որում այդ 18 աբնկերի լայքերի ընդհանուր քանակը կազմել է 36214, իսկ քննարկումների ընդհանուր քանակը՝ 2086:

Facebook սոցիալական ցանցում էջեր ունեցող բանկերի ներգրավվածության ընդհանուր ցուցիչը նոյեմբերի 30-ի դրությամբ կազմել է 5,76 տոկոս: Ներգրավվածության ցուցիչը մատնանշում է բանկի էջի այցելուների ակտիվությունը և հաշվարկվում է որպես լայքերի ընդհանուր թվի նկատմամբ (այցելուների) լսարանի ակտիվության հարաբերակցություն (քննարկումների քանակ):

Հատկանշական է, որ թոփ տասնյակի լայքերի քանակը կազմել է բոլոր բանկերի լայքերի ընդհանուր թվի 96,5 տոկոսը, իսկ դրանց ընդհանուր թվի քննարկումները՝ 90,8 տոկոսը: Միաժամանակ թոփ տասնյակի ներգրավվածության ցուցիչը կազմել է 5,42 տոկոս:

Facebook սոցիալական ցանցում ամենաներկայացված բանկերի վարկանիշի առաջատարի դիրքերում է ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ: Բանկի պաշտոնական էջում լայքերի ընդհանուր թիվը կազմել է 10401, իսկ քննարկումների քանակը՝ 248: Միաժամանակ բանկի էջի ներգրավվածության ցուցիչը կազմել է 2,38 տոկոս:

Տասնյակում երկրորդ տեղը զբաղեցրել է Յունիբանկը՝ իր էջում հավաքելով 9 868 լայք: Բանկի էջը նաև ունի քննարկումների առավելագույն քանակը՝ մինչև 501: Ներգրավվածության ցուցիչը կազմել է 5 տոկոս:

Երրորդ տեղում ամրապնդվել է ՎՏԲ-Հայաստան Բանկը: Բանկի էջում լայքերի թիվը հասնում է 4 964-ի, իսկ քննարկումների քանակը՝ մինչև 207: Միաժամանակ ներգրավվածության ցուցիչը կազմել է 4,17 տոկոս:

Ցուցակում չորրորդ տեղը զբաղեցնում է Կոնվերսբանկը, որի էջի լայքերը կազմել են 3255, իսկ քննարկումների քանակը՝ 355: Ներգրավվածության ցուցիչը հավասար է 10,9 տոկոսի:

Թոփ տասնյակի հինգերորդ տեղում է Ամերիաբանկը: Բանկի էջում գրանցվել է 2076 լայք և 196 քննարկում, որն էլ ապահովել է նրա ներգրավվածության ցուցիչի 9,4 տոկոսը:

Վեցերորդ տեղում է Անելիք Բանկը՝ 1521 լայք և 110 քննարկում: Էջի ներգրավվածության ցուցիչը՝ 7,2 տոկոս:

Յոթերորդ տեղը զբաղեցրել է Զարգացման Հայկական Բանկը, որի լայքերի թիվը կազմել է 900, իսկ քննարկումները՝ 41, ինչն էլ նրան ապահովել է ներգրավվածության ցուցիչի 4,5 տոկոս:

Ութերորդ տեղում է Արդշինինվեստբանկը, որի էջը հավաքել է 714 լայք և 128 քննարկում: Հատկանշական է, որ բանկն ունի ներգրավվածության առավելագույն ցուցիչը՝ 17,9 տոկոս:

Իններորդ տեղում է HSBS Բանկ Հայաստանը: Բանկի էջի լայքերի թիվը կազմել է 648, իսկ էջի քննարկումներն ընդամենը 14-ն են, որի կապակցությամբ բանկի ներգրավվածության ցուցիչը կազմել է 2,16 տոկոս:

Facebook սոցիալական ցանցում ամենաներկայացված բանկերի վարկանիշը եզրափակում է Ինեկոբանկը: Բանկի էջը հավաքել է 615 լայք, նոյեմբերի 30-ի դրությամբ էջի քննարկումները կազմել են 96, իսկ ներգրավվածության ցուցիչը՝ 15,6 տոկոս:

«ԱՌԿԱ» գործակալությունը չի երաշխավորում օգտատերերի ակաունտների իսկությունը, որոնց «լայքերը» հաշվի են առնվել վարկանիշը կազմելիս: Այս կամ այն էջի «լայքերի» քանակը ոչ միշտ է իսկապես արտացոլում Facebook սոցիալական ցանցում ճանաչվածությունը: Միաժամանակ տվյալ վարկանիշը ոչ մի կերպ չի ազդում ՀՀ բանկային համակարգի սուբյեկտների կայունության վրա:

Facebook սոցիալական ցանցում ամենաներկայացված հայկական բանկերի վարկանիշը կազմելու համար աղբյուր են  ծառայել դրանց պաշտոնական էջերի տվյալները: -0-