ՀԾԿՀ–ն թույլ չտվեց ՄՏՍ–Հայաստանին իրականացնել ներքին վերակառուցվածքայնացում պոտենցիալ վաճառքի պատճառով

ԵՐԵՎԱՆ, 17 հունվարի․/ԱՌԿԱ/․ Հանրային ծառայությունները կարգավորող հանձնաժողովը (ՀԾԿՀ) չորեքշաբթի մերժել է «ՄՏՍ» ռուսական ընկերության հայկական «դուստրի»՝ «ՄՏՍ Հայաստան» ընկերության հայտը (ապրանքանիշը՝ Viva-MTS) ներքին վերակառուցվածքայնացում կատարելու հայտը։

Որոշումը հիմնավորվում է նրանով, որ այս պահին իրականացվում է Fedilco Group Limited կիպրական ընկերությանը «ՄՏՍ Հայաստան»–ի 100% բաժնետոմսերի վաճառքի գործընթացը, որը պատկանում է Aramayo Investments Limited–ին (գրանցված է Կիպրոսում, ներառված է ՄՏՍ խմբում)։

Ինչպես հայտարարեց ընկերությյան իրավաբանական բաժնի ղեկավար Արմինե Սարգսյանը, վերակառուցվածքայնացման հայտը ներկայացվել է մինչև վաճառքի հայտի ներկայացումը, և այս իրավիճակն առաջացել է այն պատճառով, որ ՀԾԿՀ–ն ձգձգել է որոշման ընդունումը։ Նա նաև նշեց, որ վաճառքի գործընթացը դեռևս չի ավարտվել, և ընկերությունը կցանկանար հնարավորություն ունենալ կատարել վերակառուցվածքայնացում այն դեպքում, եթե գործարքը ձախողվի։

Չնայած առարկություններին, հայտը մերժվեց, և ընկերությունն իրազեկվեց, որ կարող է նոր հայտ ներկայացնել, եթե վաճառքի գործարքը ձախողվի։

2023 թվականի նոյեմբերի 15-ին ՀԾԿՀ-ն հավանություն է տվել «ՄՏՍ Հայաստան» 100% բաժնետոմսերը Fedilco Group Limited կիպրական ընկերության վերահսկողությանը փոխանցելու հայտը։ Նշվում էր, որ ՀՀ բարձր տեխնոլոգիաների արդյունաբերության նախարարությունն ու ՀՀ ԱԱԾ–ն չունեն առարկություններ այս գործարքի շուրջ։

Fedilco–ի նմանատի հայտը ՀԾԿՀ–ի կողմից մերժվել էր 2023թ․–ի ապրիլին։ Այն ժամանակ որպես պատճառ նշվել էր առարկությունը ԱԱԾ–ի կողմից։

ՄՏՍ–Հայաստանի մասին

MTS Armenia–ն (ապրանքանիշը՝ Viva-MTS, ռուսական МТС–ի դուստր օպերատոր) առաջատարներից է նորարարությունների ոլորտում և օգտագործում է ոլորտային բոլոր լուծումները։

МТС–ը Ռուսաստանի և ԱՊՀ երկրների կապի խոշորագույն օպերատորն է։ Դուստր ընկերությունների հետ միասին կազմակերպությունը սպասարկում է շուրջ 88մլն բաժանորդ Ռուսաստանում, Հայաստանում և Բելառուսում։-0-

Ծանոթացեք լուրերին առաջինն ու քննարկեք դրանք մեր Telegram-ում

14:04 17.01.2024