ԵՀ–ն հավանություն է տվել Nokia–ի և Alcatel-Lucent–ի 15.6 մլրդ եվրո արժողությամբ միավորմանը

ԵՐԵՎԱՆ, 24 հուլիսի. /ԱՌԿԱ/. Եվրահանձնաժողովը ուրբաթ հավանություն է տվել հեռահաղորդակցական սարքավորումներ արտադրող ամենախոշոր ընկերություններից մեկի` ֆիննական  Nokia–ի և ֆրանսիական Alcatel-Lucent–ի միավորման գործարքին, որը կարժենա 15.6 մլրդ եվրո։ Ինչպես հայտնում է Փրայմը, Եվրահանձնաժողովն այս մասին հայտարարություն է հրապարակել։

2015 թվականի ապրիլին հայտնել էին, որ Nokia–ն և Alcatel-Lucentն միավորման հուշագիր են ստորագրել։ Alcatel–ի բաժնետերերը պարգևավճար կստանան  վերջին երեք ամիսներին բաժնետոմսի միջին արժեքի 28%–ի չափով և միավորված կազմակերպության 0.55 բաժնետոմս` Alcatel–ի մեկ արժեթղթի դիմաց։ Միավորված կազմակերպությունը կկոչվի Nokia Corporation, Nokia–ի բաժինը կկազմի 66.5%, Alcatel-ինը` 33,5%։Սպասվում է, որ գործարքը կավարտվի 2016 թվականի առաջին կեսին։

«Հանձնաժողովը եկել է եզրակացության, որ գործարքը անհանգստություն չի առաջացնի մրցակցության տեսանկյունից, քանի որ կողմերը մրցակիցներ չեն, իսկ մի շարք ուժեղ գլոբալ մրցակիցներն ակտիվ կմնան գործարքից հետո», – ասվում է հաղորդագրության մեջ։

Ինչպես նշում է ԵՀ–ն, Nokia–ն իր ներկայության մեծ մասն ապահովում է Եվրոպական տնտեսական գոտում, որտեղ Alcatel-Lucent–ը փոքր դերակատար է, իսկ Alcatel-Lucent–ը մեծ դերակատարում ունի Հյուսիսային Ամերիկայում, որտեղ Nokia կազմակերպության գործունեությունը սահմանափակ է։ Սակայն շուկայում մնում են մի քանի այլ ուժեղ խաղացողներ` Ericsson–ը և Huawei–ն, որոնք Nokia–ի հետ Եվրոպայի հիմնական դերակատարներից են, ներառյալ` չինական ZTE–ն և կորեական Samsung–ը։ -0-

Ծանոթացեք լուրերին առաջինն ու քննարկեք դրանք մեր Telegram-ում

21:47 24.07.2015