ԵՐԵՎԱՆ, 29 դեկտեմբերի. /ԱՌԿԱ/. Տոնական օրերը երկար սպասված նվերների շրջան է։ Flurry վերլուծական ընկերությունն իրականացրել է ուսումնասիրություն և բացահայտել է ամենահայտնի արտադրողներին, որոնց սարքերը նվիրել են Սուրբ ծննդյան տոներին։

Ամենացանկալի նվերների շարքում Apple–ի տեխնիկան է։ 2014 թ.–ին նոր սարքերի գրանցումը կազմել է որպես նվեր մատուցած տեխնիկայի ընդհանուր թվի 51,3 տոկոսը, այս տարի ձեռքբերումը փոքր–ինչ համեստ է` 49,1 տոկոս։

Երկրորդ հորիզոնականում Samsung–ն է` 19,8 տոկոս։ Նոր տեխնիկայի գրանցման թվով երրորդ, չորրորդ և հինգերորդ տեղում են Nokia–ն (2%), LG–ն (1,7%) և Xiaomi–ն (1,5%)։ Ուսումնասիրության ժամանակ Flurry–ի մասնագետները նշել են, որ աճել է պլանշետների տարածվածությունը, որը տարեցտարի դառնում է ավելի ցայտուն, հաղորդում է iphones.ru–ն։

Համեմատության համար հարկ է նշել, որ 2013 թ.–ի ամանորյա տոների ժամանակ մեծ անկյունագծով սմարթֆոնների ակտիվացումը կազմում էր ընդամենը 4 տոկոս։ Մեկ տարի հետո տոներին պլանշետների ակտիվացումը կազմել է արդեն 13 տոկոս։ 2015 թ.–ին որպես նվեր մատուցած խոշոր սմարթֆոնների թիվը զգալիորեն ավելացել է` հասնելով 27 տոկոսի։ Միաժամանակ այդ սմարթֆոնների տարածվածությունը գրեթե չի ազդում պլանշետների ակտիվացման թվի վրա, որը նվազել է` նախորդ տարվա 11 տոկոսից հասնելով 9 տոկոսի։ –0–