Galaxy S6 edge–ի վաճառքի ծավալը գերազանցել է Samsung–ի սպասումները

ԵՐԵՎԱՆ, 15 ապրիլի. /ԱՌԿԱ/. Samsung ընկերությունը ապրիլի 10-ից սկսել է Galaxy S6 և Galaxy S6 edge սմարթֆոնների վաճառքը, և վաճառքի վերաբերյալ առաջին տվյալներն արդեն հայտնի են։

Կորեական Yonhap գործակալությունը հայտնում է, որ վաճառքի ծավալները ռեկորդային են եղել, իսկ պահանաջարկը գերազանցել է ընկերության վերլուծաբանների կանխատեսումները։ Ամենաանսպասելին եղել է Galaxy S6 edge–ի հանդեպ հետաքրքրությունը, որին բաժին է հասել վաճառքի շուրջ 50 տոկոսը։  

Ավելի վաղ տեղեկություն էր տարածվել, որ Samsung–ը մինչև 2015 թվականի ավարտը կվաճառի շուրջ 50 միլիոն Galaxy S։Սակայն որևէ մեկը չէր ենթադրում, որ այդ թվի կեսից ավելին կկազմի առավել թանկ մոդելը, որը նաև առավել բարդ արտադրություն է պահանջում։ Ամենայն հավանականությամբ, առաջիկայում ավելի հստակ տվյալներ կհրապարակվեն։

Հիշեցնենք, որ ընկերությունն ավելի վաղ հաշվետվություններ էր ներկայացրել, որոնցում նշել էր, որ ընկերության շահույթը նվազել է, իսկ վաճառքի ծավալը` կրճատվել։-0-

Ծանոթացեք լուրերին առաջինն ու քննարկեք դրանք մեր Telegram-ում

15:01 15.04.2015