Ucom-ը սմարթֆոն և շատ ինտերնետ է առաջարկում նոր ուսումնական տարում

ԵՐԵՎԱՆ, 16 օգոստոսի. /ԱՌԿԱ/. Ucom ընկերությունն առաջարկում է սկսել ուսումնական տարին գերազանց սմարթֆոնով և շատ ինտերնետով:

Մինչև սեպտեմբերի 30-ը Ucom կանխավճարային, հետվճարային` Ունիվերսալ կամ Ունիվերսալ Պլյուս նոր և ներկայիս բաժանորդները, ովքեր ձեռք կբերեն 2018թ.-ի Xiaomi Redmi 6A նորագույն սմարթֆոնը, կստանան 20 ԳԲ ինտերնետ փաթեթ 6 ամսվա համար` առանց որևէ պարտավորության, հայտնում է ընկերության մամուլի ծառայությունը։

«20 ԳԲ ինտերնետ փաթեթը կստանան Ucom-ից ձեռք բերվող բոլոր սմարթֆոնների գնորդները: Մենք առաջարկում ենք ոչ միայն փորձարկել Հայաստանի ամենաարագ 4G+ շարժական ցանցի հնարավորությունները, այլև հավերժացնել անմոռանալի պահերը որակյալ տեսախցիկով, կարդալ գրքեր և հետևել աշխարհին իսկապես մեծ էկրանից», - նշել է Ucom ընկերության համահիմնադիր և գլխավոր տնօրեն Հայկ Եսայանը։

Ինչպես հայտնում են ընկերությունից, Xiaomi Redmi 6A նորագույն սմարթֆոնն ունի 13 Մպ հիմնական և 5 Մպ հզորությամբ դիմային ֆոտոխցիկներ, էկրանը 5.45-դյույմանոց է, իսկ մարտկոցը՝ երկարակյաց։ Սմարթֆոնները կարելի է ձեռք բերել ինչպես կանխիկ, այնպես էլ ապառիկ՝ սկսած 0% կանխավճարից, 0% տարեկան տոկոսադրույքից և 0% սպասարկման վճարից։

Հաղորդման մեջ նշվում է, որ առաջարկի շրջանակներում վաճառվող սմարթֆոնների համար գործում է 1 տարվա պաշտոնական երաշխիք, ինչպես նաև հավելյալ 1 տարվա անվճար հետերաշխիքային սպասարկում, եթե սմարթֆոնը գնված է Ucom-ի ինտերնետ խանութից։

Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ:–0–

 

Ծանոթացեք լուրերին առաջինն ու քննարկեք դրանք մեր Telegram-ում

15:12 16.08.2018