Dropbox հավելվածը Office նիշքեր ստեղծելու և խմբագրելու հնարավորություն կընձեռի
ԵՐԵՎԱՆ, 6 մայիսի. /ԱՌԿԱ/. App Store–ում արդեն ներկայացվել է Dropbox–ի թարմացված 3.9 տարբերակը։ Հավելվածի գլխավոր էջում այժմ ցուցադրվում են այն նիշքերը, որոնք օգտատերը վերբեռնել, խմբագրել կամ ստեղծել է վերջին շրջանում, հայտնում է iguides.ru–ն։
Բացի այդ, հավելվածում ավելացել է երկխոսության դաշտը, որտեղ կարող են շփվել ընդհանուր հասանելիություն ունեցող նիշքերի հետ աշխատող օգտատերերը։ Նախկինում նման դաշտ կար միայն Dropbox–ի վեբ–տարբերակում։
Մշակողները նաև մի քանի նոր գործառույթ են ավելացրել, որոնցից հնարավոր կլինի օգտվել առաջիկայում։ Հենց հավելվածում հնարավոր կլինի Office նիշք ստեղծել և խմբագրել այն, ինչն էլ հնարավոր է դարձել Dropbox–ի և Microsoft–ի սերտ համագործակցության շնորհիվ։ Դեռ հայտնի չէ` Android և Windows Phone հարթակները նման նորարարություն կունենան, թե ոչ։-0-
Ծանոթացեք լուրերին առաջինն ու քննարկեք դրանք մեր Telegram-ում
14:19 06.05.2015