Facebook-ը սադրիչ վերնագրերի դեմ պայքարի նոր ալգորիթմ է մշակել
ԵՐԵՎԱՆ, 5 օգոստոսի. /ԱՌԿԱ/. Facebook սոցցանցը հայտարարել է, որ կփոխի լրահոսի կազմման մեխանիզմը, որ այնտեղ ավելի քիչ լինեն ոչ տեղեկատվական և սադրիչ վերնագրերով հոդվածները, գրում է BBC ռուսական ծառայությունը։
Facebook–ը որոշել է փոփոխություններ կատարել ստացված բազմաթիվ դժգոհությունները` օգտագործողները դժգոհ էին, որ հոդվածների վերնագրերը մոլորության մեջ են գցում կամ չեն պարունակում կարևոր տեղեկատվություն` ստիպվելով ընթերցողին կարդալ այն։
«Խոսքը հետևյալ վերնագրերի մասին է` «Նա հայացք գցեց բարձի տակ և տեսավ դա... Ես շոկի մեջ էի», «Շունը հաչաց փոստատարի վրա, նրա արձագանքը հիանալի էր», «Նա սխտոր դրեց կոշիկների մեջ քնելուց առաջ, այն, ինչ կատարվեց, անհավատալի է»»։
Ընկերությունն առանձնացնում է «քլիքբեյթ»–ի (Click բառից (քլիք անել) և Bait (խայծ)) երկու տեսակ։
Դրանք այն վերնագրերն են, որոնք չեն թույլ տալիս հասկանալ նյութի բովանդակությունը («Դուք չեք հավատա, թե ով սայթաքեց և ընկավ կարմիր գորգին») և այն վերնագրերը, որոնք չափազանցնում են գրառման նշանակությունը («Ճիշտ է, արդյո՞ք, որ խնձորը վնասակար է առողջությանը»)։
Տասնյակ հազարավոր նմանատիպ նյութերի վերլուծությունից հետո ստեղծված ալգորիթմն աշխատում է էլեկտրոնային փոստի սպամ–ֆիլտրերի նմանությամբ։
Նա կարող է վեր հանել քլիքբեյթ–վերնագրերույմ հաճախ հանդիպող արտահայտությունները և սահմանել այն էջերը, որոնք կանոնավոր կերպով նմանատիպ գրառումներ են հրապարակում։
Իրենց վատ դրսևորած կայքերի և էջերի հրապարակումները սոցցանցում ավելի հազվադեպ կհայտնվեն օգտատերերի ժապավենում։ -0-
Ծանոթացեք լուրերին առաջինն ու քննարկեք դրանք մեր Telegram-ում
19:20 05.08.2016
