Google քարտեզները վիրտուալ իրականության ռեժիմ են ստացել Android–ով աշխատող սմարթֆոններում
ԵՐԵՎԱՆ, 19 դեկտեմբերի. /ԱՌԿԱ/. Android–սմարթֆոնների Google քարտեզներից օգտվողները փողոցների Street View համայնապատկերն ուսումնասիրելու հնարավորություն են ստացել վիրտուալ իրականության ռեժիմով Google Cardboard սարքերի օգնությամբ։ Այդ մասին, ինչպես հայտնում է Lenta.ru–ն, ասվում է Google+ սոցցանցի Cardboard նախագծի էջում։
Ստվարաթղթից պատրաստված Google Cardboard սարքը Google–ն առաջին անգամ ցույց է տվել այս տարվա հունիսին Google I/O ասուլիսի ժամանակ։ Առայժմ վիրտուալ իրականության նախագիծը փորձարկվում է։ Սակայն վերջին ամսում ընկերությունը գործարկել է Google Play–ի` Cardboard–ի հետ համատեղելի հավելվածների հատուկ բաժինը, ինչպես նաև գործիքներ է թողարկել մշակողների համար (SDK)։
Վիրտուալ իրականության ռեժիմով փողոցների դիտումը թեստավորելու համար անհրաժեշտ է Android-սմարթֆոնը տեղադրել Cardboard–ում և գործարկել Google քարտեզները։ Այնուհետև պետք է բացել Street View փողոցների համայնապատկերների ռեժիմը և երկու անգամ սեղմել Look Around (երկու խոշոր շրջանային սլաքներ ներքևի աջ անկյունում) նշանը։
Գործառույթը թեստավորող փորձագետների տվյալներով, Carboard–ով նոր ռեժիմով փողոցների համայնապատկերների դիտումը նման է նրան, որ օգտագործողը կարող է ստանալ հեռադիտակով փողոցները դիտելիս։
Google–ը շուկա է մատակարարել ավելի քան կես միլիոն Carboard սարք, հայտնում է Gigaom տեխնոբլոգը։ -0-
Ծանոթացեք լուրերին առաջինն ու քննարկեք դրանք մեր Telegram-ում
14:18 19.12.2014