Microsoft–ը հավելված է թողարկել Windows 10 Mobile–ի հետ սմարթֆոնների համատեղելիությունը ստուգելու համար

ԵՐԵՎԱՆ, 15 հունվարի. /ԱՌԿԱ/. Microsoft ընկերությունը թողարկել է UpdateAdvisor հավելվածը, որի միջոցով Windows-սմարթֆոնի ցանկացած սեփականատեր կարող է ստուգել Windows 10 Mobile–ի հետ իր սմարթֆոնի համատեղելիությունը, հաղորդում է iguides.ru–ն։

Եթե հնարավոր լինի սմարթֆոնը թարմացնել, ապա հավելվածը «խորհուրդ կտա» մտնել կարգավորումների մեջ և ստուգել update–ի առկայությունը, ինչպես նաև տեղ ազատել օպերացիոն համակարգը տեղադրելու համար (ջնջել ֆայլեր կամ տեղափոխել դրանք OneDrive)։

Այս պահին ավելի վաղ թողարկված սմարթֆոնները չեն կարող տեղադրել Windows 10 Mobile–ը, իսկ որոշ սարքեր (օրինակ HTC 8X–ը և 512 ՄԲ RAM ունեցող բոլոր սարքերը) ընդհանրապես չեն ստանա Windows 10 Mobile–ը։ Թարմացումը կտարածվի «ալիքային» սկզբունքով` սկզբում մի սմարթֆոններին, հետո` մնացածին։–0–

Ծանոթացեք լուրերին առաջինն ու քննարկեք դրանք մեր Telegram-ում

20:07 15.01.2016