ՀԱՅԱՍՏԱՆՈՒՄ ՖԼԵՇ ԿԱՅՔԵՐԻ ՃԱՆԱՉՎԱԾՈՒԹՅԱՆ ԱՃԸ ԿԱԽՎԱԾ Է ԻՆՏԵՐՆԵՏԻ ԱՐԱԳՈՒԹՅԱՆ ԽՆԴՐԻ ԼՈՒԾՈՒՄԻՑ

X-Tech ընկերության հիմնադիր և ստեղծագործական տնօրեն Արման Աթոյանի բացառիկ հարցազրույցը՝ «ԱՌԿԱ» գործակալությանը

«ԱՌԿԱ» - Ե՞րբ է սկսել Х-Tech ընկերությունն աշխատել հայկական շուկայում: Ո՞վ է ընկերության հիմնադիրը, և Հայաստանի ո՞ր ընկերությունների հետ եք համագործակցում:

Ա. Աթոյան - Х-Tech ընկերությունն իր գործունեությունը սկսել է 2007թ.-ին՝ մի խումբ խանդավառ երիտասարդների նախաձեռնությամբ: Այսօրվա դրությամբ ընկերությունը սերտորեն համագործակցում է Հայաստանի տեղեկատվական տեխնոլոգիաների ձեռնարկությունների միության (UITE), «Մրցունակ մասնավոր հատված» (CAPS/USAID) ծրագրի, ինչպես նաև ՏՏ-հատվածի տարբեր ընկերությունների հետ:

Մենք մասնագիտանում ենք գծանկարչական դիզայնի, վեբ-դիզայնի, վեբ-ծրագրավորման, կոնտենտային մենեջմենտի համակարգերի ծրագրավորման ծառայությունների տրամադրման ուղղությամբ: Մենք նաև զբաղվում ենք վեբ-առաջարկությունների մշակմամբ, սոցիալական կայքերի առաջխաղացմամբ և էլեկտրոնային առևտրի համակարգերի մշակմամբ:

«ԱՌԿԱ» - Ընդհանուր առմամբ, ինչպե՞ս կարելի է գնահատել Հայաստանում վեբ-դիզայնի և գովազդի շուկայի ներուժը: Ի՞նչ նոր ապրանքներ և մշակումներ եք դուք պատրաստ առաջարկել հայկական շուկային:

Ա. Աթոյան- Մինչ այժմ շուկան բավականին դանդաղ էր աճում, սակայն սկսած 2008 թ.-ից զգալի առաջընթաց է նկատվել: Ակնհայտ է, որ հին կայքերի դիզայնը պարբերաբար փոխվում է, հայտնվում է նոր գովազդ, այսօր ավելի մեծ ուշադրություն է դարձվում կայքի արտաքին տեսքին: Եթե ավելի վաղ մարդիկ ներդրումներ էին կատարում՝ իրենց մասին հայտարարելու և ճանաչված լինելու համար, ապա այսօր դիզայնի հարցը նրանց համար ավելի հրատապ է դարձել:

Այս կապակցությամբ մենք առաջարկում ենք նոր ստեղծագործական լուծում՝ մուլտիմեդիոն շնորհանդեսային սկավառակներ ընկերությունների համար: Դրանց նորարարությունը կայանում է նրանում, որ մենք խորհուրդ ենք տալիս հաճախորդներին օգտվել տեսատեխնոլոգիաներից սեփական ընկերության առաջխաղացման համար, քանի որ այդ սկավառակները հնարավորություն են տալիս պահպանել մեծ չափերի տեղեկատվություն: Անհրաժեշտ չէ իջեցնել տեսաերիզի որակը, որպեսզի Ինտերնետում մարդիկ հեշտությամբ կարողանան այն դիտել:

Այսօր գնորդները շատ ավելի փոքր հետաքրքրություն են դրսևորում տեքստային և լուսանկարչական նյութերի նկատմամբ, իսկ տեսանյութերի օգտագործման հնարավորությունը ընկերության շնորհանդեսը դարձնում է շատ ավելի հետաքրքիր, քան հազարավոր լուսանկարներ և տեքստեր:

Պոտենցիալ գնորդը, ձեռք բերելով սկավառակը, հնարավորություն է ստանում ծանոթանալ թեմայի ընդհանուր նկարագրության հետ: Սավառակն իր մեջ ներառում է արդյունավետ կազմակերպված ֆլեշ կայք (մուլտիմեդիոն կառուցվածքով կայք)՝ շնորհանդեսին ներկայացված ապրանքի տեսանյութերով և լուսանկարներով, որը կարող է հետաքրքրություն առաջացնել հավանական գնորդների շրջանում: Որպես արդեն իրագործված նման գաղափարների օրինակ կարել է նշել, մասնավորապես՝ մեր ընկերության կայքը (www.x-tech.am), դիզայնին և ճարտարապետությանը վերաբերող կայքը (www.a3.am), դիզայներական ընկերության կայքը (www.arvinkocharian.com):

«ԱՌԿԱ» - Ինչպիսի՞ն է ընկերության արտադրանքի նկատմամբ պահանջարկի դինամիկան և կրճատվե՞լ է, արդյոք, ձեր արտադրանքի գինը ճգնաժամի պայմաններում:

Ա. Աթոյան – Իհարկե, արտադրանքի նկատմամբ պահանջարկի որոշ կրճատում կա, քանի որ մարդիկ ֆինանսական ճգնաժամի պայմաններում տնտեսում են ամեն ինչ վրա: Ինչպես հայտնի է, մարդիկ վեբ-կայքեր են բացում կամ անհրաժեշտության, կամ պարզապես Ինտերնետում ներկայացված լինելու ցանկության դեպքում: Պատվիրատուները, ում համար Ինտերնետ-կայքը միայն սեփական ընկերության մի մասն է, այժմ ավելի զուսպ են:

Այս պահի դրությամբ մենք հատուկ ակցիա ենք անցկացնում «Հակաճգնաժամ» անվանումով: Այդ ակցիայի շրջանակներում առաջարկվող ֆլեշ կայքերի գինը սկսում է 299 դոլարից, ինչը, փաստորեն, նշանակում է, որ գները կրկնակի անգամ իջել են: Մեր ակցիան կապված չէ պահանջարկի անկման հետ, պարզապես մենք կարծում ենք, որ նման կերպով խթանում ենք ֆլեշ կայքերի նկատմամբ պատվիրատուների հետաքրքրությունը:

«ԱՌԿԱ» - Ի՞նչ ինտերնետ-կայքեր են այսօր առավել հաճախելի Հայաստանում:
Ա. Աթոյան – Հայաստանում ամենահաճախելին սոցիալական ցանցն է, ինչպես նաև զվարճալի կայքերը, որոնք համացանցից օգտվողին հնարավորություն են տալիս ներբեռնել և լսել երաժշտություն կամ տեսանյութ:
«ԱՌԿԱ» - Իսկ որքանո՞վ են հանրահայտ ֆլեշ կայքերը մեզ մոտ:

Ա. Աթոյան – Այստեղ ամեն ինչ կախված կլինի Ինտերնետի արագության բարձրացման խնդրի լուծումից: Մենք առաջարկում ենք հետաքրքիր և որակյալ արտադրանք, սակայն, միաժամանակ, ֆլեշ կայքերը բացվում են ավելի դանդաղ, քան սովորական կայքերը: Այդ պատճառով եթե փրովայդերները լուծեն երկրում Ինտերնետի արագության բարձրացման հարցը, ապա կարծում եմ, որ ժամանակին ֆլեշ կայքերն ավելի հանրաճանաչ կդառնան:

«ԱՌԿԱ» - Ինչպե՞ս եք գնահատում Հայաստանում համակարգչային ապահովության և Ինտերնետ հասանելիության մակարդակը:

Ա. Աթոյան – 2008 թ.-ի տվյալներով՝ Հայաստանի բնակչության ընդամենը տասը տոկոսն էր ապահովված համակարգչով, իսկ Ինտերնետ հասանելիություն ուներ միայն բնակչության հինգ տոկոսը: Սակայն չնայած այս ցուցանիշներին՝ կարծում եմ, որ աճը շատ կտրուկ կլինի, քանի որ երկրում գործում է վարակիչ մարկետինգի գաղափարը, որը մենք փորձում ենք ներդնել բիզնեսի մեջ սոցիալական ցանցերի օգնությամբ: Այս մեխանիզմը կգործի նաև համակարգչային ապահովության հարցում՝ հաշվի առնելով այն, որ մարդկանց մեծ քանակությունը ձեռք է բերում համակարգիչներ և որակյալ ինտերնետ հասանելիության հնարավորություն, և այդ մարդկանց շրջապատը նրանցից անկախ մտնում է այդ դաշտ: Հուսով եմ, որ այսօրվա դանդաղ զարգացման փոխարեն տեղի կունենա կտրուկ առաջընթաց, ինչը պայմանավորված կլինի նաև Հայաստանում Ինտերնետի գների աստիճանական նվազմամբ:

«ԱՌԿԱ» - Ընկերությունը զբաղվու՞մ է էլեկտրոնային առևտրով, և հանրաճանաչություն վայելո՞ւմ է ծառայությունների այս տեսակը Հայաստանում:

Ա. Աթոյան – Մեր ընկերությունը չի զբաղվում էլեկտրոնային առևտրի հարցերով, սակայն պատվերի առկայության դեպքում կարելի կլինի ստեղծել կայք, որի օգնությամբ հնարավոր կլինի կազմակերպել նման ծառայություններ: Այսօր այս ոլորտը մեծ տարածում է ձեռք բերում, սակայն դեռևս հայկական հասարակությունում ձևավորված չէ համապատասխան մշակույթ, քանի որ բնակչության մեծ մասը Ինտերնետի միջոցով ապրանք գնելու ռիսկին չի դիմի, եթե նույն ապրանքը կարելի է գնել խանութում:

Սակայն եթե հնարավոր լինի ապրանք գնել ցանցում ավելի ցածր գնով, քան խանութներում, ապա էլեկտրոնային առևտրի համակարգը կարող է կիրառվել Հայաստանում: Նման մոտեցման դեպքում և հաշվի առնելով այն, որ հայկական հասարակության համար գաղափարը համեմատաբար նոր է՝ համակարգն անկասկած յուրօրինակ բում կդառնա:-0-

Ծանոթացեք լուրերին առաջինն ու քննարկեք դրանք մեր Telegram-ում

18:22 21.07.2009