ԵՆԹԱԿԱՌՈՒՑՎԱԾՔՆԵՐԻ ՊԱԿԱՍԸ ՀԱՅԱՍՏԱՆՈՒՄ ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԶԱՐԳԱՑՄԱՆ ԽՆԴԻՐՆԵՐԻՑ ՄԵԿՆ Է. ՎԱՐՉԱՊԵՏ

ԵՐԵՎԱՆ, 29 հոկտոմբերի. /ԱՌԿԱ/. Ենթակառուցվածքների պակասը տեղեկատվական տեխնոլոգիաների զարգացման խնդիրներից է Հայաստանում, երեքշաբթի հայտարարեց ՀՀ վարչապետ Տիգրան Սարգսյանը՝ ելույթ ունենալով Երևանում անցկացվող «Սևծովյան համագործակցություն» (BSI) նախագծի հատուկ նստաշրջանին։

Վարչապետը նշեց, որ տեղեկատվական տեխնոլոգիաների զարգացումը Հայաստանի կառավարության առջև ծառացած գերակա խնդիրներից է, և տվյալ ոլորտը համարելով գերակա՝ կառավարությունը պետք է լուրջ միջոցառումներ իրականացնի այդ ոլորտի զարգացման բարենպաստ պայմաններ ստեղծելու համար։

«Ցավոք, հարկ է նշել, որ տվյալ ոլորտում առայսօր կան ենթակառուցվածքների հետ կապված լուրջ խնդիրներ, որոնք չեն բավարարում մեր պահանջներին ինչպես փորձագետների մակարդակով, ովքեր զբաղվում են գործնական օպերացիաներով, այնպես էլ գիտական ոլորտի ներկայացուցիչների»,- ասաց Սարգսյանը։

Ըստ նրա՝ տվյալ ուղղությամբ գոյություն ունի աշխատանքային լուրջ դաշտ, քանի որ առաջին հերթին ենթակառուցվածքների պակասն ազդում է տվյալների փոխանցման արագության վրա։  «Մենք նոր ներդրումային ծրագրեր ունենք տվյալ ոլորտում, որոնք թույլ կտան առաջիկա տարիներին էական բեկում առաջ բերել ոլորտի համար»,- ասաց Սարգսյանը։ Մասնավորապես, ինչպես պարզաբանեց վարչապետը «ԱՌԿԱ» գործակալության թղթակցին, խոսքը նոր մասնավոր ներդրողի հնարավորությունների մասին է, ում կառավարությունը թույլ է տվել նոր օպտիկամանրաթելային մալուխ տեղադրել։ «Նոր ներդրողի հնարավորությունները և նոր օպտիկամանրաթելային մալուխի անցկացումը կարող են բարձրացնել մրցակցությունը շուկայում, ինչպես նաև կհանգեցնի գների նվազեցմանը, ինչը ավելի մատչելի կդարձնի Ինտերնետ-ծառայությունները Հայաստանում»,- ասաց Սարգսյանը։

Հայաստանի կառավարությունը 2009 թվականի սեպտեմբերի 17-ին թույլ է տվել «ՋիԷնՍի-Ալֆա» » (GNC- ALFA) ընկերությանը նոր օպտիկամանրաթելային մալուխ անցկացնել Վրաստան տանող մայրուղու երկայնքով։ Նոր մալուխի շնորհիվ հանրապետությունը կապահովվի Ինտերնետ այլընտրանքային հասանելիությամբ, ինչը կնպաստի ինտենրետ-կապի բարելավմանը։
Ընկերությունը պարտավորվում է մալուխի անցկացման աշխատանքներն ավարտել 18 ամսվա ընթացքում։ «ՋիԷնՍի» ընկերությունը հիմնադրվել է 2007 թվականին։ Նրա գործունեության հիմնական ուղղությունները հեռահաղորդակցության ցանցերի շինարարությունն ու շահագործումն է և տրանսպորտային ցանցի ծառայությունների տրամադրումը։ Հայաստանում ներկայումս գործում է մեծածախ ինտերնետի երկու օպերատոր։

Առաջինը «ԱրմենՏել» (Beeline ապրանքանիշ) ընկերությունն է, իսկ երկրորդը՝ FiberNet Communications-ը։Առաջիկայում հայկական շուկայում կհայտնվի մեծածախ ինտերնետի ևս մեկ պրոյավդեր՝ GNC Alfa ընկերությունը։ -0-

Ծանոթացեք լուրերին առաջինն ու քննարկեք դրանք մեր Telegram-ում

19:36 01.10.2009