ՀԱՅԱՍՏԱՆՈՒՄ ԻՆՏԵՐՆԵՏ ՀԱՍԱՆԱԼԻՈՒԹՅԱՆ ՑԱԾՐ ՄԱԿԱՐԴԱԿԸ ԽԱՆԳԱՐՈՒՄ Է ՕՏԱՐԵՐԿՐՅԱ ՆԵՐԴՐՈՒՄՆԵՐԻ ՀՈՍՔԻՆ. ՓՈՐՁԱԳԵՏ
ԵՐԵՎԱՆ, 12 փետրվարի. /ԱՌԿԱ/. Հայաստանում ինտերնետ հասանալիության ցածր մակարդակը խանգարում է օտարերկրյա ներդրումների հոսքին և բարդություններ է ստեղծում ՏՏ-ոլորտի հայրենական ընկերությունների գործունեության համար, հինգշաբթի ՀՀ հանրային խորհրդի նիստի ժամանակ հայտարարել է Synopsys Armenia ընկերության գործադիր տնօրեն Հովիկ Մուսայելյանը:
«Հայաստանը ինտերնետ հասանելիության մակարդակով աշխարհում 114-րդ տեղն է զբաղեցնում», - նշել է նա:
Մուսայելյանը հատուկ ուշադրություն է դարձրել Հայաստանում ինտերնետի որակին՝ նշելով, որ չնայած շուկա երրորդ ինտերնետ-օպերատորի մուտքից հետո ինտերնետի գները նվազեցին 60 տոկոսով, սակայն իջավ նաև դրա որակը:
Հանրային խորհրդի Սպառողների իրավունքների պաշտպանության և ձեռներեցության հարցերով հանձնաժողովի նախագահ Արշակ Սադոյանն իր հերթին նշել է, որ Հայաստանում ինտերնետը ութ անգամ ավելի թանկ է, քան Վրաստանում:-0-
Ծանոթացեք լուրերին առաջինն ու քննարկեք դրանք մեր Telegram-ում
16:53 12.02.2010