ՀԱՅԱՍՏԱՆԸ ՈՐՈՇԱԿԻ ԱՌԱՎԵԼՈՒԹՅՈՒՆՆԵՐ ՈՒՆԻ ՏՏ ՈԼՈՐՏՈՒՄ. ԱՄՀ
ԵՐԵՎԱՆ, 17 փետրվարի./ԱՌԿԱ/. Հայաստանը, իսկապես, որոշակի առավելություններ ունի hi-tech ոլորտում, «Կապիտալ» թերթին հայտարարել է Երևան ժամանած Արժույթի միջազգային հիմնադրամի պատվիրակության ղեկավար Մարկ Լյուիսը:
Միաժամանակ նա նշել է, որ ԱՄՀ-ն այս պահին չունի ՏՏ-ոլորտի մասին կոնկրետ վերլուծություն, սակայն կարելի է ասել, որ այդ հատվածի մասնաբաժինը ընդհանուր ՀՆԱ-ի ձևավորման մեջ հարաբերականորեն քիչ է:
«Մենք սպասում ենք և հուսով ենք, որ միջին ժամկետային հեռանկարում ՏՏ-ի մասնաբաժինը կարող է ավելանալ, սակայն կրկնեմ, որ այս պահին այդ քիչ է», - ասել է ԱՄՀ-ի ներկայացուցիչը:
«Ձեռնարկությունների ինկուբատոր» հիմնադրամի (Enterprise Incubator Foundation- EIF) 2009 թվականի «Հայաստանի տեղեկատվական տեխնոլոգիաների ոլորտը. ծրագրային ապահովում և ծառայություններ» զեկույցի համաձայն՝ 2009թ.-ին Հայաստանի ՀՆԱ-ում տեղեկատվական տեխնոլոգիաների ոլորտի մասնաբաժինը կազմել է շուրջ 1.1%, ինչը կարող է համեմատվել ՏՏ ոլորտի առաջատար Հնդկաստանի հետ, որտեղ այդ թիվը եղել է 1.4% և Գերմանիայի հետ, որտեղ տեղեկատվական տեխնոլոգիաներին մեծ տեղ է տրվում, և այդ թիվը կազմել է 1.3%:
Ուսումնասիրության համաձայն՝ վերջին տասը տարիների ընթացքում ծրագրային ապահովման և ծառայությունների հատվածն արձանագրել է լուրջ աճի տեմպեր` ապահովելով 27% տարեկան աճ:-0-
Ծանոթացեք լուրերին առաջինն ու քննարկեք դրանք մեր Telegram-ում
17:07 17.02.2010