ՀԱՅԱՍՏԱՆ ՎԱՏ ԻՆՏԵՐՆԵՏ Է ՄՏՆՈՒՄ, ԻՍԿ ՆԵՐՔԻՆ ՓՐՈՎԱՅԴԵՐՆԵՐԸ ՎԱՏ ԵՆ ԱՇԽԱՏՈՒՄ. ՀԽ ԱՆԴԱՄ

ԵՐԵՎԱՆ, 25 փետրվարի. /ԱՌԿԱ/. Հայաստան վատ ինտերնետ է գալիս, իսկ ներքին փրովայդերները վատ են աշխատում, լրագրողներին է հայտարարել է Հանրային խորհրդի անդամ, Synopsys Armenia ընկերության գործադիր տնօրեն Հովիկ Մուսայելյանը:
Նրա խոսքերով, բազմաթիվ տարիների ընթացքում ինտերնետի, նրա որակի ու հասանելիության հարցը մնում է խնդրահարույց:
Նա նշել է, որ Հայաստանում նույնիսկ ինտերնետի գների գրեթե 60 տոկոսանոց նվազման դեպքում սակագները նախկինի պես բավականին բարձր են, այդ թվում նաև՝ համեմատած տարածաշրջանի հետ:

«Սակայն ոչ միայն դա է խոչընդոտում ընկերությունների աշխատանքին, ինտերնետի նման որակի դեպքում լուրջ վտանգ կա օտարերկրյա ներդրումների համար, որոնք շատ ընկերությունների համար միակ աղբյուրն են՝ տեխնիկական պատվեր ստանալու և պատրաստի արտադրանքի արտահանման համար», - ասել է Մուսայելյանը:

Նրա խոսքերով, հատուկ կարևորություն է ստանում այս հարցն այն համատեքստում, որ Հայաստանի տեղեկատվական տեխնոլոգիաների ոլորտում գործող շուրջ 200 ընկերությունների 30 տոկոսը օտարերկրյա են և միաժամանակ ապահովում են ոլորտի ողջ շրջանառության շուրջ 80 տոկոսը:
Նա նշել է, որ Հայաստանում ինտերնետից օգտվում է բնակչության շուրջ 10 տոկոսը, և սակագների նվազումը կարող է հանգեցնել ինտերնետից օգտվողների թվի աճի, սակայն ցածր որակը կարող է հանգեցնել ավելի լուրջ հետևանքների, որոնք անհնար կլինի վերականգնել: «Հայաստանում մեծ դժվարությամբ են ստեղծվել օտարերկրյա ֆինանսավորմամբ կառույցները, և եթե մենք չենք կարողանում արտադրանք արտահանել անորակ ինտերնետի պատճառով, ապա համաշխարհային կորպորացիաները կարող են որոշում ընդունել այլ երկրներ իրենց բիզնեսը տեղափոխելու մասին», - ասել է Մուսայելյանը:

Նա ընդգծել է, որ չի կարելի նման զարգացում թույլ տալ՝ հաշվի առնելով այն, որ նույնիսկ տնտեսական ճգնաժամի և հայկական տնտեսության անկման պայմաններում ՏՏ ոլորտը միակն էր, որ 2009 թ.-ի արդյունքներով աճ էր գրանցել:
Synopsys Armenia ընկերության գործադիր տնօրենը կարծում է, որ Հայաստանում ինտերնետի թերությունների հիմնական պատճառը ենթակառուցվածքի հետ կապված խնդիրներն են:

Մուսայելյանը դժվարացել է նշել այն ներդրումները ծավալը, որոնք անհրաժեշտ են ներքին ենթակառուցվածքի վերականգնման համար, սակայն ընդգծել է, որ այս հարցը պետք է լուծվի պետական մակարդակում, քանի որ այն անդրադառնում է նաև ազգային անվտանգության հարցերին: «Անորակ ինտերնետի տրամադրման պայմաններում չի կարող աշխատել ոչ մի խոշոր օպերատոր, մենք չենք կարող ապահովել նորմալ գործունեություն, և դա ուղղակի խայտառակություն է՝ հաշվի առնելով այն, որ ՏՏ ոլորտը հայտարարվել է Հայաստանի տնտեսության զարգացման առաջնահերթություն», - ասել է Մուսայելյան:

«Ձեռնարկությունների ինկուբատոր» հիմնադրամի (Enterprise Incubator Foundation- EIF) 2009 թվականի «Հայաստանի տեղեկատվական տեխնոլոգիաների ոլորտը. ծրագրային ապահովում և ծառայություններ» զեկույցի համաձայն՝ 2009թ.-ին Հայաստանի ՀՆԱ-ում տեղեկատվական տեխնոլոգիաների ոլորտի մասնաբաժինը կազմել է շուրջ 1.1%: Ուսումնասիրության համաձայն՝ վերջին տասը տարիների ընթացքում ծրագրային ապահովման և  ծառայությունների  հատվածն արձանագրել  է լուրջ աճի տեմպեր` ապահովելով 27% տարեկան աճ: Հայաստանում տեղեկատվական տեխնոլոգիաների ոլորտի ընկերությունների հասույթը 2009 թ.-ի ընթացքում կազմել է 129,9 միլիոն դոլար՝ 2006 թ.-ի համեմատ ավելանալով 54 տոկոսով:-0-

Ծանոթացեք լուրերին առաջինն ու քննարկեք դրանք մեր Telegram-ում

18:04 25.02.2010