ՀԱՅԱՍՏԱՆՈՒՄ ԳԵՐԱՐԱԳ ԻՆՏԵՐՆԵՏ-ՑԱՆՑԻ ԿԱՌՈՒՑՈՒՄԸ ՄԻ ՔԱՆԻ ՀԱՐՅՈՒՐ ՀԱԶԱՐ ՄԻԼԻՈՆ ԴՈԼԱՐ ԿՊԱՀԱՆՋԻ
ԵՐԵՎԱՆ, 27 ապրիլի. /ԱՌԿԱ/. Հայաստանում գերարագ լայնաշերտ ինտերնետ-ցանցի կառուցումը զրոյից մի քանի հարյուր հազար միլիոն դոլարի ծախս կպահանջի, «Կոմերսանտ» թերթի կայքում անցկացվող օն-լայն հարցազրույցի ընթացքում «ԱՌԿԱ» գործակալության հարցին է պատասխանել «Վիմպելկոմ» ընկերությունների խմբի գլխավոր կառավարիչ տնօրեն Բորիս Նեմշիչը:
«Իմ պրակտիկայում չկա նման շինարարության օրինակ առանձին վերցված երկրում՝ արդեն իսկ աշխատող ժամանակակից ենթակառուցվածքի առկայությամբ, որն ինքնին հնարավոր ներդրողների ուշադրությանը կարժանանա»,-ասաց Նեմշիչը:
Հայաստանում գերարագ լայնաշերտ ինտերնետ-ցանցի մրցույթի արդյունքները կամփոփվեն աշնան կեսին: Էկոնոմիկայի նախարարության գնահատականներով, Էլեկտրոնային հասարակություն ձևավորելու հայեցակարգի իրականացումից ստացված եկամուտը, մասնավորապես գերարագ լայնաշերտ ինտերնետ ցանցի ներդրման գծով, կարող է կազմել 97 մլրդ դրամ:
Հայաստանում ինտերնետի մատչելիության զարգացման ծրագրին կուղղվի 30 մլն դոլար, որից 24 մլն դոլարը Համաշխարհային բանկի վարկի շրջանակներում, իսկ մնացած միջոցները՝ կառավարության համաֆինանսավորման հաշվին:-0-
Ծանոթացեք լուրերին առաջինն ու քննարկեք դրանք մեր Telegram-ում
17:53 30.04.2010