Mediagid.am ագրեգատորը Հայաստանի տարբեր կառույցների գործունեության ինդիկատորն է
«ԱՌԿԱ» - Ինչպե՞ս եք գնահատում հայկական շուկայում Mediagid.am միակ լրատվական ագրեգատորի գործարկումը:
Կ. Վարդանյան – Կարելի է միայն ողջունել նմանատիպ տեխնոլոգիական ապրանքի գործարկումը, որը գնահատում է մեդիա-շուկան, և ես կարծում եմ, որ ամենաքիչը երկու ուղղություններով մեր աշխատանքը դյուրացվում է: Այդ ուղղություններից մեկը տեղի ունեցածի համալիր գնահատականն է մեկ պատուհանից և այն բանի, թե հայկական մեդիաները որքանով են ուշադրություն դարձնում այս կամ այն իրադարձություններին: Մյուս կողմից մեզ համար՝ որպես ասոցիացիայի, որը տարվա ընթացքում բազմաթիվ միջոցառումներ է անցկացնում և որոշակի PR-ծախսեր ունի, շատ կարևոր է Mediagid.am-ի օգտագործման հնարավորությունը՝ որպես այդ ուղղությամբ մեր գործունեության գնահատականի ինդիկատոր:
«ԱՌԿԱ» - Տեխնիկական տեսակետից որքանո՞վ է հետաքրքիր նմանատիպ ագրեգատորի աշխատանքը Հայաստանի համար:
Կ. Վարդանյան- Այն հետաքրքիր է հայկական շուկայի համար՝ հատկապես հաշվի առնելով տեղեկատվական տեխնոլոգիաների զարգացման բավականին ակտիվ միտումները: Աստիճանաբար աճում է ինտերնետից օգտվողների թիվը, ովքեր համաշխարհային ցանցն օգտագործում են որպես տարբեր տեղեկատվություն փնտրելու գործիք, և առաջիկա տասը տարվա ընթացքում նման միտումները կշարունակվեն: Հաշվի առնելով այս ամենը՝ նման նախագիծը դեռևս երկար ժամանակ հետաքրքիր կլինի:
«ԱՌԿԱ» - Դուք՝ որպես ՏՏ-ոլորտի ներկայացուցիչ, ի՞նչ կցանկանայիք տեսնել ագրեգատորում:
Կ. Վարդանյան- Կայքում կցանկանայի շատ բան տեսնել, այդ թվում նաև այն, ինչ դեռևս չկա Հայաստանում, սակայն դա արդեն կոնկրետ Mediagid-ին վերաբերող հարց չէ: Կարծում եմ, որ հայկական մեդիայում չի լուսաբանվում ձեռնարկատիրությունը, լուսաբանվում են օլիգարխները, խոշոր ենթակառուցվածքային ընկերությունները, սակայն իրական հայկական բիզնեսը ուշադրությունից դուրս է մնում: Ոչ ոք չգիտի, թե ինչ խնդիրներ ունի նա, ինչպես է զարգանում և այլն: Այսինքն ավելի մեծ ուշադրության է արժանանում ենթակառուցվածքային, օլիգարխիկ և վարչարարական բիզնեսը, ինչը և երկրում ընկալվում է «բիզնես» անվան տակ: Իրական մասնավոր հատվածը և իրական բիզնեսը գրեթե չեն լուսաբանվում հայկական ԶԼՄ-ներում, և համապատասխանաբար երիտասարդ սերունդը չի տեսնում, թե ինչպես կարող է բիզնեսով զբաղվել, քանի որ օլիգարխների օրինակը բացասական է և երիտասարդներին չի խթանում: Այսօրվա դրությամբ մեր ոլորտի հիմնական նպատակն է ներգրավել երիտասարնդերին տեխնոլոգիական բիզնեսի զարգացման մեջ, և մենք կցանկանայինք մեդիայում ևս տեսնել այդ խնդրի համարժեք իրականացում:
«ԱՌԿԱ» - Հայկական շուկայի համար որքանո՞վ են հրատապ նոր տեխնոլոգիաները, որոնք ներկայացված են ագրեգատորում, այդ թվում նաև՝ գովազդային տեխնոլոգիաները:
Կ. Վարդանյան – Ագրեգատորում ընկերությունների սեփական մամուլի հաղորդագրությունների տեղադրումը շատ լավ հնարավորություն է, ինչպես նաև կայքի ապրանքանիշավորումը կոնկրետ ընկերության ներքո: Այս համատեքստում կարևոր չէ, թե նրանք այսօր որքանով են հայտնի, այլ այն, թե որքանով հայտնի կլինեն վաղը, և ես կարծում եմ, որ նրանք անպայման կգործածվեն: Այսօր, միգուցե, որոշ ընկերություններ դեռևս չեն հասկանում նոր տեխնոլոգիաների կիրառման կարևորությունը, սակայն կարծում եմ, որ ժամանակի ընթացքում նրանք դա կգիտակցեն, և նմանատիպ տեխնոլոգիական լուծումների նկատմամբ պահանջարկը կաճի:
«ԱՌԿԱ» - Բովանդակային և տեխնիկական առումով ի՞նչ կցանկանայիք տեսնել ագրեգատորում:
Կ. Վարդանյան – Մեզ համար շատ հետաքրքիր են կայքում ներկայացված Հեղինակության վարկանիշն ու Ընկերությունների նորությունները, որոնք թույլ են տալիս հետևել մեջբերվածության սեփական վերկանիշին և ծանոթանալ շուկայում գոյություն ունեցող միտումների հետ: Հետաքրքիր կլիներ ագրեգատորում տեսնել նաև ասոցիացիաների և բիզնես-միությունների նորությունները, ինչն այսօր շատ թույլ է լուսաբանվում ԶԼՄ-ներում, չէ՞ որ գործարար մթնոլորտի փոփոխությունը միայն կառավարության խնդիրը չէ, այն նաև բիզնես-ասոցիացիաների խնդիրն է: Կցանկանայի տեսնել, թե որքանով է համախմբված բիզնես-հանրությունն այս կամ այն ուղղություններով, որքանով է այն ակտիվ, և կարծում եմ, որ այս հարցի արդիականացումը մեզ համար ավելի կարևոր թեմա է:-0-
Ծանոթացեք լուրերին առաջինն ու քննարկեք դրանք մեր Telegram-ում
21:31 24.03.2011