DUOS-ը Samsung-ի հեռախոսների ամենապահանջված մոդելն է

ԵՐԵՎԱՆ, 22 հունիսի. /ԱՌԿԱ/. DUOS մոդելը Samsung հեռախոսների ամենավաճառվող մոդելն է, «ԱՌԿԱ» գործակալությանը տեղեկացրեց Հայաստանում «Samsung Electronics»-ի ներկայացուցչության ղեկավար Անդրանիկ Շահբազյանը:

«Այսօրվա դրությամբ ամենամեծ վաճառքները գրանցում ենք DUOS-ի հատվածում, հեռախոս, որն ունի երկու SIM-քարտ», - ասաց նա:
Շահբազյանի խոսքերով՝ Samsung-ը դարձել է առաջին ընկերությունը, որը զանգվածային վաճառքի հանեց երկու SIM-քարտերով հեռախոսները:

«Նման հեռախոս ստեղծելու նախաձեռնությունը ստացվել է ընկերության գլխավոր գրասենյակի (Կորեա) ԱՊՀ երկրներում գործող Samsung-ի ներկայացուցչությունից, այնպես ոչ «DUOS» հասկացությունը դուրս է եկել մեր տարածաշրջանից և տարածվել է ողջ աշխարհում», - նշեց նա:

Մեկնաբանելով Samsung ընկերության հայկական ներկայացուցչության հաջողությունները՝ Շահբազյանն ընդգծեց, որ ընկերության շրջանառությունը 2005 թ.-ին կազմել է շուրջ 3 մլն դոլար, 2010 թ.-ի վերջին՝ ավելի քան 20 մլն դոլար, սակայն նա չներկայացրեց այս տարվա կանխատեսումները:

«Չէի ցանկանա կանխատեսումներ անել, քանի որ ցանկացած ապրանքանիշի վաճառքի ծավալները կախված են կոնկրետ երկրի տնտեսական ցուցանիշներից: Օրինակ, երբ դոլարի նկատմամբ դրամի փոխարժեքի տատանումներ են լինում, դա անմիջապես ազդում է առևտրի վրա: Հուսով եմ, որ մեր տնտեսությունը կլինի կայուն, իսկ կայունության դեպքում մենք դրական աճ են ակնկալում», - հայտարարեց նա:-0-

Ծանոթացեք լուրերին առաջինն ու քննարկեք դրանք մեր Telegram-ում

17:45 22.06.2011