Գրասենյակային փաթեթի հայկական տարբերակը պատրաստ կլինի մինչև հուլիսի 10-ը

ԵՐԵՎԱՆ, 28 հունիսի. /ԱՌԿԱ/. MS Office 2010-ի գրասենյակային փաթեթի հայկական տարբերակը պատրաստ կլինի մինչև հուլիսի 10-ը, «ԱՌԿԱ» գործակալությանն ասաց Հայաստանում Microsoft-ի ներկայացուցչության ղեկավար Գրիգոր Բարսեղյանը:

MS Office 2010-ը կլինի կորպորացիայի յոթերորդ արտադրանքը, որը հարմարեցված է հայերենի համար: Առաջինը հայերեն թարգմանվել է Windows XP օպերացիոն համակարգը, որը տեղական շուկայում ներկայացվեց 2006թ.-ին: Դրանից հետո կորպորացիան ներկայացրեց նաև Windows Vista, Windows 7, MS Office 2003, MS Office 2007, Internet Explorer 9 հայերեն տարբերակները:   

«Կորպորացիան որոշակի դժվարություններ ուներ լեզվի հետ կապված, քանի որ բացակայում էր համապատասխան տերմինաբանությունը, սակայն վերջին ժամանակներս բարելավվել է ինչպես դիմերեսը, այնպես էլ տերմինաբանությունն է մատչելի դարձել լեզվի առումով»,- ասաց Բարսեղյանը:

Նա նաև նշեց, որ նոր տարբերակում զգալիերոն բարելավված է spell-check-ը հայերենի համար:

Microsoft կորպորացիան համագործակցում է Հայաստանի հետ 2007 թ.-ի հունվարի 30-ին Էդինբուրգում ստորագրված համաձայնագրի շրջանակներում, որի համաձայն՝ Microsoft-ը Հայաստանում մի շարք ներդրումային, կրթական և նորարարական ծրագրեր է իրականացնում, որոնց թվում է նաև Հայաստանում Microsoft-ի նորարարական կենտրոնի բացումը: -0-

Ծանոթացեք լուրերին առաջինն ու քննարկեք դրանք մեր Telegram-ում

22:09 28.06.2011