Հայկական IT-շուկան բավականին մրցունակ է, սակայն աջակցության կարիք ունի
«Ինտեգրատոր» ընկերության տնօրեն Սերգո Մելիքյանի բացառիկ հարցազրույցն «ԱՌԿԱ» գործակալությանը
«ԱՌԿԱ» - Պարոն Մելիքյան, ո՞ր ուղղությամբ է մասնագիտանում Ձեր ստեղծած «Ինտեգրատոր» ընկերությունը:
Ս.Մելիքյան. – Արդեն չորս տարի է, ինչ մենք բարձր տեխնոլոգիական միջոցների հիման վրա զբաղվում ենք ուսումնական վահանակների ստեղծմամբ՝ լաբորատոր պրակտիկումների անցկացման համար, որոնց օգնությամբ կարելի է կատարել մի շարք գիտաճյուղերի, ինչպես՝ «Նյութերի դիմադրություններ», «Էլեկտրատեխնիկայի հիմունքներ», «Էլեկտրոնիկա», «Էլեկտրաբանեցում և էլեկտրական մեքենաներ», աշխատանքը:
2011 թվականին մենք առաջին անգամ արաբական շուկա ենք արտահանել 24 վահանակներ, իսկ ընդհանուր առմամբ մեր արտադրանքի մատակարարման ծավալը 2011 թվականին արտաքին շուկաներ, մասնավորապես, ռուսական, ղազախական, բելառուսական, արաբական, մալայզիական և սինգապուրյան, հասնում է մոտ 150 միավորի:
«ԱՌԿԱ» - Համագործակցու՞մ «Ինտեգրատորը» արտասահմանյան կամ հայկական ընկերությունների հետ:
Ս.Մելիքյան – Մենք համագործակցում ենք National Instruments ամերիկյան ընկերության հայկական մասնաճյուղի հետ, որը ԱՄՆ-ում տեխնոլոգիաների և վիրտուալ գործիքավորման առաջատար կազմակերպություններից է: Ընկերությունը նոր մոտեցումներ է առաջարկում նախագծման ավտոմատացման, նախատիպերի և չափման համակարգերի ու ներկառուցված ներառական ծրագրերի իրականացման ոլորտում:
«ԱՌԿԱ» - Ձեր արտադրանքը պահանջարկ ունի՞ հայրենական շուկայում:
Ս.Մելիքյան – Մեր արտադրանքն իր կոնկրետ տեղն է զբաղեցնում տեղական շուկայում, բայց Հայաստանում այն վատ է վաճառվում: Օրինակ, եթե ռուսական համալսարանի մի ֆակուլտետ կարող է գնել 10 վահանակ, ապա մեր բուհերը ձեռք են բերում մեկը:
Ընդհանուր առմամբ, ես կարծում եմ, որ մեր արտադրանքի թույլ պահանջարկը հայկական շուկայում Հայաստանի ՏՏ-ոլորտի ոչ բավարար ֆինանսավորումն է, ինչը դանդաղեցնում է նրա զարգացումը: Սակայն պահանջարկ, միանշանակ, կա, քանի որ համալսարանները չեն կարող լաբորատոր պրակտիկաներ չանցկացնել:
«ԱՌԿԱ» - Արդյոք, դա նշանակու՞մ է, որ Ձեր ընկերությունը հիմնականում ուղղված է արտահանմանը:
Ս.Մելիքյան - Միանշանակ: Մեր արտադրանքի մոտ 97 տոկոսն արտահանվում է արտասահմանյան շուկա:
«ԱՌԿԱ» - Կարո՞ղ եք նշել տարվա ընթացքում արտադրության ծավալները:
Ս.Մելիքյան – Այժմ դժվարանում եմ նշել արտադրության ծավալների կոնկրոտ թվեր, քանի որ դա կախված է պատվերների թվից, բայց 2011 թվականին միջինը մենք արտադրել ենք 150 միավոր ուսումնական վահանակ: Ինչպես արդեն նշեցի, դրա մեծ մասն արտահանվում է արտասահման:
«ԱՌԿԱ» - Ինչպե՞ս են սկսնակ ընկերություններն ինտեգրվում տեղեկատվական տեխնոլոգիաների շուկայում:
Ս.Մելիքյան – Ընդհանուր առմամբ, սկսնակ ընկերությունները միշտ դժվար են մնում շուկայում, նվաճում այն, իսկ ՏՏ ոլորտի մրցակցության և լավ մասնագետների ներկա պայմաններում այդ խնդիրն ավելի է բարդանում: Ցավալի է, բայց ես այսօր չեմ տեսնում այն ներուժը երիտասարդ մասնագետների մոտ, որը կար մի քանի տարի առաջ:
«ԱՌԿԱ» - Կարո՞ղ եք նշել ընթացիկ տարվա՝ Ձեր ընկերության ծրագրերը:
Ս.Մելիքյան – Առաջիկա ծրագրերի թվում է նոր ուսումնական վահանակների մշակումը, արտադրանքի որակի բարձրացումը, տարբեր միջոցառումների մասնակցությունը, մասնավորապես, մայիսին Բեյրութում անցկացվելիք բարձր տեխնոլոգիաների ցուցահանդեսին, որին մենք մասնակցել ենք 2011 թվականին, ինչպես նաև Երևանում ավանդական DigiTec Business միջազգային ցուցահանդես-ֆորումի մասնակցությունը: -0-
Ծանոթացեք լուրերին առաջինն ու քննարկեք դրանք մեր Telegram-ում
17:46 24.03.2012
