Հայկական արտադրության համակարգիչները կարող են խթան դառնալ հայրենական ՏՏ շուկայի զարգացման համար
«ԱՌԿԱ» - Պարոն Կարապետյան, ՏՏ ոլորտի կոնկրետ ո՞ր բնագավառերում է մասնագիտանում Ձեր ընկերությունը:
Ա.Կարապետյան - COMPTECHARM ընկերությունը մասնագիտանում է, այսպես կոչված, «ծանր տեխնիկայի» ներմուծման բնագավառում, այսինքն՝ ներմուծում ենք սերվերներ, Сisco-համակարգեր, երթուղագծիչներ և հաղորդակցության միջոցներ: Մեր հաճախորդները հիմնականում կորպորատիվ ընկերություններն են: Մենք Հայաստան ենք ներմուծում այն, ինչը չկա: Ոչ մի կարծրատիպ: Մենք Հայաստանում «ՆՎ Պրինտ» հայտնի ՏՏ միջազգային ընկերության բացառիկ ներկայացուցիչն ենք: Ընկերությունը զբաղվում է սպառողական նյութերի և քարթրիջների արտադրությամբ: Այս տարի մենք կներկայացնենք նրանց արտադրանքը Հայաստանում: Մեր համագործակցության շրջանակներում մենք կփորձենք ցույց տալ, որ պետք չէ վազել էժանի հետևից և մի քանի անգամ լրացնել քարթրիջը և խնդիրներ ունենալ սեփական տեխնիկայի հետ, այլ կարելի է շատ հասանելի գնով բոլորովին նորը գնել:
«ԱՌԿԱ» - Հայ սպառողը որևէ նախասիրություն ունի՞:
Ա.Կարապետյան - Հայ սպառողը բավականին յուրահատուկ է: ՏՏ արտադրանքի մեր գնորդին քիչ է հուզում, թե ինչ տեխնիկա ձեռք կբերի, որտեղից է այն մատակարարվել, որակյալ է, թե ոչ: Նրա համար առավել կարևոր է ապրանքանիշը, իսկ մնացածը չի հետաքրքրում:
«ԱՌԿԱ» - Ո՞վ է Ձեր հիմնական գործընկերը ՏՏ ոլորտում:
Ա.Կարապետյան - Մեր հիմնական գործընկերն է «ԱԱՄ» (ավտոմատացված աշխատանքային մեքենաներ) մոսկովյան ընկերությունը, որը բավականին լուրջ աշխատանքային փորձ ունի և համագործակցում է այնպիսի մեծ ներկրողների հետ, ինչպիսիք են՝ «Մարվելը, «Բյուրոկրատը» և «Ֆ-Ցենտրը»:
«ԱՌԿԱ» - Ինչո՞վ կարող եք պարծենալ ձեր մրցակիցների առջև, որոնք, ինչպես և Դուք, միայն վերջերս են սկսել իրենց բիզնեսը:
Ա.Կարապետյան - Մենք շատ մեծ առավելություն ունենք մրցակիցների նկատմամբ. ցանկացած տեխնիկայի կարճաժամկետ մատակարարում՝ մի քանի օրից մինչև մեկ շաբաթ: Առավելագույն կարճ ժամկետներում առավելագույն որակը մեր հաջողության գրավականն է: Մեր մյուս առավելությունն այն է, որ մենք միշտ օրինական ենք գործում և ձգտում ենք քարոզել օրինական բիզնեսը: Փորձում ենք մարդկանց բացատրել, որ օրինական բիզնեսով զբաղվելն առավել շահավետ է բոլոր հարաբերություններում, այդ թվում՝ տնտեսական տեսանկյունից:
«ԱՌԿԱ» - Պատմեք ձեր հետագա ծրագրերի մասին:
Ա.Կարապետյան - Եթե խոսենք երկարաժամկետ ծրագրերի մասին, ապա մենք կցանկանայինք իրականացնել հայկական համակարգիչների արտադրության նախագիծը: Ստեղծել համակարգիչների հայկական ապրանքանիշը: Հայկական արտադրության համակարգիչները տեղական ՏՏ շուկայի զարգացման համար խթան կդառնան: Չնայած նախագիծը շատ երկարաժամկետ հեռանկարում է իրականացվող թվում, բայց մենք արդեն անուն ենք հորինել՝ «CARM»՝ մեր ընկերության կրճատված հապավումը: Սակայն այդ ծրագիրը կախված է շատ պայմաններից, առաջին հերթին՝ փոխհատուցումից:
«ԱՌԿԱ» - Գնահատեք, խնդրեմ, Հայաստանում հաջողության համար start-up ընկերություների հնարավորություններն ու պայմանները: Ինչպիսի՞ բարդությունների է հանդիպել Ձեր ընկերությունը:
Ա.Կարապետյան - Չեմ կարող բոլորի փոխարեն խոսել, մեր ընկերությունը հատուկ բարդությունների չի հանդիպել: Բայց, սկզբունքորեն հայկական ՏՏ շուկայի հիմնական խնդիրը ապրանքաշրջանառության անկման նկատվող միտումն է: Քիչ են որակյալ առաջարկությունները:
«ԱՌԿԱ» - Արդյոք մրցունա՞կ է հայկական ՏՏ արտադրանքն աշխարհում:
Ա.Կարապետյան - Ոչ այնքան: Ամբողջ խնդիրը ապրանքանիշն է: Մեծ ճանաչում ունեցող ապրանքները մեծ հաջողություն կունենան: Հայկական արտադրանքն այնքան էլ հայտնի չէ արտերկրում: Եթե մեզ հաջողվի արտադրել նույն համակարգիչները, և սկսենք վստահություն սերմանել մարդկանց մոտ, որ մեր արտադրանքը չի զիջում որակով հայտնի արտադրողներին, ինչպիսին է, օրինակ, Dell ընկերությանը, ինչու՞ ոչ:
«ԱՌԿԱ» - Կարո՞ղ եք երեք բառով նկարագրել Ձեր ընկերությունը:
Ա. Կարապետյան - Որակ: Ճշտապահություն: Արագություն: -0-
Ծանոթացեք լուրերին առաջինն ու քննարկեք դրանք մեր Telegram-ում
17:55 20.02.2012
