TRENDnet ցանցային սարքավորումներ արտադրող ընկերության արտադրանքը ներկայացնում է FINE ընկերությունը

ԵՐԵՎԱՆ, 13 դեկտեմբերի. /ԱՌԿԱ/. TRENDnet ընկերությունը ցանցային սարքավորումներ արտադրող համաշխարհային խոշորագույն ընկերություններից է, որի արտադրանքը ներկայացված է աշխարհի ավելի քան 135 երկրում, այդ թվում`  Հայաստանում, FINE ընկերության հետ պաշտոնապես համագործակցելու շնորհիվ։ EMEA Channel Academy: Մոնակոյում անցկացվող ամենամյա Awards մրցույթի արդյունքում TRENDnet–ը ճանաչվել է ցանցային լուծումների 2013 թ.–ի լավագույն մատակարարը։ «ԱՌԿԱ» գործակալության հետ ունեցած զրույցում ընկերության և հայկական շուկայի հետ կապված ծրագրերի մասին խոսել են FINE ընկերության տնօրեն Հայկ Հայրապետյանը և Հայաստանում TRENDnet–ի տարածաշրջանային մենեջեր Արմեն Սարգսյանը։

ԱՌԿԱ. Ժամանակակից աշխարհում աստիճանաբար կարևորություն է ստանում տվյալների փոխանցման անվտանգ համակարգերի ստեղծումը։ Որքա՞ն են անվտանգ TRENDnet–ի լուծումները, և որո՞նք են ձեր մրցակցային առավելությունները։

Սարգսյան. Հուսալիություն, նորարարություն, հարմարավետություն։ Հավատացեք, որ սրանք միայն կարգախոսներ չեն։ Եթե խոսենք հուսալիության մասին, ապա այսօր աշխարհում շատ չեն տվյալների փոխանցման անվտանգության այնպիսի կատարյալ համակարգերը, ինչպիսին առաջարկում է TRENDnet–ը։ TRENDnet–ի սարքավորումների հուսալիության գործակիցը շատ բարձր է։

Եթե խոսենք օգտագործման հարմարավետության մասին, ապա կարելի է նշել, որ մեր սարքավորումները բավականին հեշտ են կարգավորվում, ինտուիտիվ հասկանալի մեթոդով, որը մատչելի է բոլորի համար, այլ ոչ թե միայն համապատասխան մասնագիտական գիտելիքներ ունեցող նեղ մասնագետների համար։

Ինչ վերաբերում է նորարարություններին, ապա դա մեր նախագծողների աշխատանքի հիմնական ուղղվածությունն է։ Մենք միշտ նայում ենք դեպի ապագա և արդեն այսօր հայկական շուկայում ներկայացնում ենք տեսախցիկներ, որոնք գործում են տեղական շուկայի համար նոր «ամպային» տեխնոլոգիաներով։ Այդ տեսախցիկների պարզ կարգավորումն ու հեռակառավարումը թույլ է տալիս հանգիստ հետևել ձեր տանը, բնակարանին, գրասենյակին կամ տեղանքում գտնվող երեխային` գտնվելով սարքից բավականին հեռու տարածությունում։ Կարգավորումն իրականացվում է շատ արագ։ Սարքն ունի նաև «ծնողական վերահսկողություն» գործառույթի կիրառման հնարավորություն։

ԱՌԿԱ. Արդեն ավանդույթ է դարձել, որ TRENDnet–ի տեսականին գրեթե ամեն ամիս համալրվում է և հաճախորդներին ներկայացվում են նոր լուծումներ։ Կարո՞ղ եք նշել ընկերության ներկայացրած վերջին առավել նշանակալի նորարարական լուծումներից մեկը։

Հայրապետյան/Սարգսյան. Մենք հաճախ առաջարկում ենք բավականին յուրօրինակ մոդելներ։ Օրինակ, ռոութեր` AC անլար կապի ստանդարտի հիման վրա։ Այս տեխնոլոգիան թույլ է տալիս բարելավել կապն ու բարձրացնում է տվյալների փոխանցման արագությունը տեսականորեն մինչև 1750 մեգաբիթ/վայրկյան։ Արտադրողներից քչերն են հասել արագության նման ցուցանիշների։ Միաժամանակ ընկերությունը ներկայացնում է Powerline տեսականու ամենակոմպակտ ադապտերը։ Նման դասի սարքավորումը բացառում է տվյալների ռադիոալիքային փոխանցման վրա կողմնակի ազդեցությունը, քանի որ ազդանշանը փոխանցվում է էլեկտրական ցանցի շղթայով։ Սա լավ այլընտրանք է այն հաճախորդների համար, ովքեր կանխակալ վերաբերմունք ունեն Wi-Fi տեխնոլոգիաների հանդեպ։

FINE ընկերության խանութներում, որը Հայաստանում TRENDnet–ի պաշտոնական գործընկերն է, ներկայացված են միայն գործող մոդելային շարքի ապրանքները։ Ամեն նոր ապրանք նախագծողների մի ամբողջ թիմի հսկայական աշխատանքի արդյունք է։ Հենց դա է պատճառը, որ մենք հպարտանում ենք ներկայացված ապրանքներով և ողջ տեսականիով, որը ներառում է ավելի քան 350 անուն սարքավորում, որոնք կարող են օգտագործվել տեղեկատվական տեխնոլոգիաների տարբեր ոլորտներում։

ԱՌԿԱ. TRENDnet–ի արտադրանքը ներկայացված է աշխարհի շատ երկրներում, այդ թվում` Հայաստանում։ Ընկերությունը ինչի՞ վրա կդնի շեշտը հայ հաճախորդի վստահությունը նվաճելու համար։

Հայրապետյան. Մեզ համար ապագայի ռազմավարական խնդիրը հայկական շուկայում արժանի տեղ զբաղեցնելն է այլ հայտնի արտադրողների շարքում։ TRENDnet–ն ամերիկյան ապրանքանիշ է, շատ հայտնի է ողջ աշխարհում որպես ցանցային լուծումների գլոբալ մատակարար, և մենք հատուկ առաջարկներ ունենք մեր գնորդների համար։

Հիմնական շեշտը դնում ենք սպասարկման բարձր չափորոշիչների և մեր արտադրանքի վրա, որն իր մեջ համատեղում է բարձր որակը, տվյալների փոխանցման բացարձակ հուսալիությունը, խելամիտ գինն ու երաշխիքային սպասարկումը։ TRENDnet–ի տեսականին հավասարաչափ ներկայացնում է կորպորատիվ և սպառողական ապրանքներ։ Մենք առաջարկում ենք լուծումներ, որոնք նախատեսված են ինչպես տնային, այնպես էլ մեծ կորպորատիվ ցանցերի համար։–0–

Ծանոթացեք լուրերին առաջինն ու քննարկեք դրանք մեր Telegram-ում

15:53 13.12.2013