«ԿՈՌՆԵՏ АМ»-Ը ԾԱՂԿԱՁՈՐՈՒՄ ԿՆԵՐԴՆԻ ԱՆԼԱՐ ՁԱՅՆԱ ԵՎ ՏԵՍԱԾԱՌԱՅՈՒԹՅՈՒՆՆԵՐԻ ՏՐԱՄԱԴՐՄԱՆ ՆՈՐ ՏԵԽՆՈԼՈԳԻԱՆԵՐ
ԵՐԵՎԱՆ, 7 ապրիլի. /ԱՌԿԱ/. «Կոռնետ- АМ» անլար ինտերնետի փրովայդերը Ծաղկաձորում կներդնի անլար ձայնա և տեսածառայությունների տրամադրման նոր տեխնոլոգիաներ:
ՀՀ հանրային ծառայությունները կարգավորող հանձնաժողովը չորեքշաբթի նիստի ժամանակ հավանության է արժանացրել ընկերությանը լրացուցիչ ռադիոհաճախականությունների տրամադրումը՝ Ծաղկաձորի և Երևանի տարածքում ռադիոռելեային կապի կազմակերպման համար:
Ինչպես նշեց «Կոռնետ АМ» ընկերության գլխավոր տնօրեն Բորիս Դեմիրխանյանը, ընկերությունը ծրագրում է Ծաղկաձում տեղադրել բազային կայաններ՝ նոր WiMAX տեխնոլոգիաների հիման վրա, որոնք թույլ են տալիս 2,5 անգամ ավելացնել բազային կայանի թողունակությունը:
«Դա կլինի փորձնական գոտի, որի հաջող աշխատանքը թույլ կտա մինչև սեպտեմբերի վերջ անլար ձայնա և տեսածառայությունները տարածել ընկերության ցանցի ողջ ծածկույթով», - ասաց Դեմիրխանյանը:
Նրա խոսքերով՝ Հայաստանում մեծածախ ինտերնետի գների իջեցման պատճառով թողունակության ավելացման անհրաժեշտություն է առաջացել պահանջարկի ավելացման կապակցությամբ բաժանորդների որակյալ սպասարկումն ապահովելու համար:
«Կոռնետ- АМ» ընկերությունը ստեղծվել է Հայաստանի հեռահաղորդակցության շուկայում 2000 թվականին։ 2006 թվականին «Կոռնետ- АМ»-ը մտել է ԿՈՄՍԹԱՐ-ՕՏՍ ընկերությունների խմբի մեջ և ներկայացնում է նրա շահերը Հայաստանի տարածքում։ «Կոմսթար-ՕՏՍ»-ի բաժնետոմսերի վերահսկիչ փաթեթը (51 տոկոս) պատկանում է «Սիստեմա» ԲՖԿ-ին:
«Կոռնետ- АМ» ընկերությունն առաջինը Հայաստանում սկսեց կառուցել WiMax լայնաշերտ անլար հասանելիության ազգային ցանցը: 2008 թ.-ին «Կոմսթար-ՕՏՍ»-ի աջակցությամբ ստեղծվել է ազգային մասշտաբի ցանց: Այսօրվա դրությամբ ընկերության ցանցն ընդգրկում է Հայաստանի 24 քաղաքներ, մասնավորապես, Երևանը, Գյումրին, Վանաձորը, Աբովյանը, Աշտարակը, Արտաշատը, Էջմիածինը, Արմավիրը, Գորիսը, Կապանը, Սպիտակը, Ալավերդին, Ստեփանավանը, Իջևանը, Դիլիջանը, Սևանը, Գավառը, Չարենցավանը, Հրազդանը՝ մինչև 25 կմ շառավղով հարակից բնակավայրերով:-0-
Ծանոթացեք լուրերին առաջինն ու քննարկեք դրանք մեր Telegram-ում
19:51 07.04.2010