ՀԾԿՀ-Ն ԴԱԴԱՐԵՑՐԵԼ Է ՄԻ ՇԱՐՔ ԸՆԿԵՐՈՒԹՅՈՒՆՆԵՐԻ ԿՈՂՄԻՑ ՌԱԴԻՈՀԱՃԱԽԱԿԱՆՈՒԹՅՈՒՆՆԵՐԻ ԱՆՕՐԻՆԱԿԱՆ ՕԳՏԱԳՈՐԾՈՒՄԸ
ԵՐԵՎԱՆ, 7 հուլիսի./ԱՌԿԱ/. ՀՀ Հանրային ծառայությունները կարգավորող հանձնաժողովը (ՀԾԿՀ) չորեքշաբթի նիստի ժամանակ 18 ընկերությունների կողմից ռադիոհաճախականությունների անօրինական օգտագործման դադարեցման մասին որոշում է ընդունել:
Այդ ընկերությունների մեծ մասը տաքսի ծառայություններ են, որոնք ռադիոհաճախականություննրն առանց համապատասխան արտոնագրերի են օգտագործել՝ հարկեր չվճարելով պետական բյուջե:
Հայաստանում ռադիոհաճախականության օգտագործման օգտագործման արտոնագրի արժեքը 800 հազար դրամ է:
«Ընկերություններն իրենց իրավախախտումը հիմնավորում են տեղեկացված չլինելու հանգամանքով, սակայն, օրենք չիմանալը չի ազատում պատասխանատվությունից»,- հայտնեց ՀԾԿՀ նախագահ Ռոբերտ Նազարյանը:
Ըստ նրա, խախտում կատարած ընկերություները մի քանի անգամ պարտադիր կերպով տեղեկացվել են, որ պետք է որոշակի գումար վճարեն պետբյուջե:
«Սեփական իրավունքներն ու պարտականությունները չիմանալու խնդիր կա: Ձեռնարկատերերը հաճախ պատշաճ չափով ծանոթ չեն պայմանագրերին, որոնք կնքում են պետական կառույցների հետ»,- ավելացրեց Հանձնաժողովի նախագահը ($1- 368,89 դրամ): -0-
Ծանոթացեք լուրերին առաջինն ու քննարկեք դրանք մեր Telegram-ում
21:38 07.07.2010