Երեք վրացական ՏՏ ընկերություններ նոր ծրագրեր կներկայացնեն Երևանի Digitec բիզնես ֆորումին

ԵՐԵՎԱՆ, 10 հունիսի. /ԱՌԿԱ/. Վրացական AzRy, Newtelco Georgia և Navigator կազմակերպությունները կմասնակցեն «ԴիջիԹեք Բիզնես Ֆորում 2013»-ին, որն այս տարի կկայանա հունիսի 21-22-ը, Արմենիա Մարիոթ հյուրանոցում: Այս մասին  Tesadasht.am-ին տեղեկացրին Ինֆորմացիոն տեխնոլոգիաների ձեռնարկությունների միությունից:

AzRy-ը Թբիլիսիի տրանսպորտային ինֆորմացիոն համակարգի ստեղծող և սպասարկող ընկերություն է: Ֆորումի ընթացքում կներկայացնի հետևյալ լուծումներն ու համակարգերը. «Journey Planner» (ճանապարհորդություն պլանավորող) լուծումը - այն համացանցի վրա հիմնված լուծում է, որը թույլ է տալիս օգտատիրոջը կանգառներից հաշվարկել ճանապարհորդության օպտիմալ պլանը՝ հաշվի առնելով փոխադրամիջոցների ժամանակացույցերը և օգտատերերի այլ նախասիրությունները: Թիֆլիսի ուղեվարձի վճարման համակարգը, որը 2006թ.-ից սկսած կիրառվել են Թբիլիսիի մետրոյի, ավտոբուսների ուղեվարձի վճարման համար։ Հանրային փոխադրամիջոցի տեղեկատվական համակարգը, որը տրամադրում է տեղեկություն տարբեր տրանսպորտների երթևեկության մասին։ Դրամարկղի միջոցով իրականացված գործարքների գրանցման համակարգը Միացյալ դրամական փոխանցումների համակարգըԿոմունալ վճարումների իրականացման համակարգ, որը կիրառվել է խոշորագույն վրացական բանկերի համար։

Մյուս ընկերությունը` Newtelco Georgia-ն,  ֆորումին կներկայացնի տվյալների կենտրոն (Data Centre):
ԴիջիԹեք Բիզնես ֆորումին կմասնակցի նաև վրացական ՏՀՏ ոլորտի խոշորագույն լրատվամիջոց Navigator-ը:

Digitec միջազգային բիզնես ֆորումն անցկացվում է 2008թ.–ից։ Ֆորումի կազմակերպիչն է UITE –ն` «Ձեռնարկությունների և շուկայի մրցունակության զարգացումը» (Enterpise development and market competitiveness project - EDMC) USAID ծրագրի և Հայաստանի գործատուների միության աջակցությամբ։

Միջոցառումը  կազմակերպվում է ՀՀ վարչապետի բարձր հովանու ներքո: «ԱՌԿԱ» գործակալությունն ավանդաբար հանդես է գալիս որպես ֆորումի տեղեկատվական գործընկեր։

Ինֆորմացիոն Տեխնոլոգիաների Ձեռնարկությունների Միությունը (UITE) հիմնվել է 2000 թվականին` ոլորտի ընկերությունների տնտեսական շահերի պաշտպանության, բիզնեսի զարգացման խթանման, ՏՏ ոլորտի հետազոտությունների խրախուսման նպատակով: Ներկայում Միությունում ընդգրկված են Հայաստանի բարձր և տեղեկատվական տեխնոլոգիաների ոլորտը ներկայացնող մոտ 60 ընկերություն:--0--

Ծանոթացեք լուրերին առաջինն ու քննարկեք դրանք մեր Telegram-ում

12:57 10.06.2013