Ինովացիոն ճամբար կկազմակերպվի Հայաստանում հուլիսի 1-10-ը. UITE
ԵՐԵՎԱՆ, 18 հունիսի. /ԱՌԿԱ/. Ինֆորմացիոն տեխնոլոգիաների ձեռնարկությունների միությունը (ԻՏՁՄ) հուլիսի 1-10ը կազմակերպում է ամառային ճամբար ինովացիոն ոլորտում նորարարական գաղափարներ ունեցող երիտասարդների համար։
Ինչպես հաղորդում են կազմակերպիչները, միջացառման նպատակն է` համախմբել ինովացիաներով հետաքրքրվող երիտասարդներին, ստեղծել մոտիվացնող և կրթական միջավայր, ուղղորդել նրանց դեպի սեփական ծրագրերի իրականացումը և սեփական բիզնեսի ստեղծումը:
Ճամբարը հնարավորություն կտա մասնակիցներին քննարկել ինովացիոն ոլորտին առնչվող իրենց բիզնես, սոցիալական, հասարակական նախագծերը մասնագետների հետ, սովորել կազմել իրենց իսկ նախագծի բիզնես պլանը և իրականություն դարձնել այն:
Լավագույն գաղափարների հեղինակները հնարավորություն կունենան մասնակցել իրենց բիզնեսի զարգացմանը նպաստող մի շարք այլ միջոցառումների, 2013թ-ի հոկտեմբերի 4-6 կայանալիք DigiTec 2013 ցուցահանդեսին և գտնել գործընկերներ
ստանալ դրամական պարգևներ։
Ճամբարին կարող են մասնակցել 18-30 տարեկան անձինք: Ցանկացողները պետք է մասնակցության հայտն ուղարկեն [email protected] էլ.հասցեին` մինչև 2013թ. հունիսի 28-ը, ժամը 17:00:
Ինֆորմացիոն տեխնոլոգիաների ձեռնարկությունների միությունը (UITE) հիմնվել է 2000 թվականին` ոլորտի ընկերությունների տնտեսական շահերի պաշտպանության, բիզնեսի զարգացման խթանման, ՏՏ ոլորտի հետազոտությունների խրախուսման նպատակով: Ներկայում Միությունում ընդգրկված են Հայաստանի բարձր և տեղեկատվական տեխնոլոգիաների ոլորտը ներկայացնող մոտ 60 ընկերություն:--0--
Ծանոթացեք լուրերին առաջինն ու քննարկեք դրանք մեր Telegram-ում
18:48 18.06.2013