Հայաստանում համակարգիչ-դպրոցական հարաբերակցությունը կազմում է 1:23. Կրթական ծրագրերի կենտրոն
ԵՐԵՎԱՆ, 17 հոկտեմբերի. /ԱՌԿԱ/. Հայաստանում համակարգիչ-դպրոցական հարաբերակցությունը կազմում է մեկը քսաներեքի, «ԱՌԿԱ» գործակալությանը հայտնեց Կրթական ծրագրերի կենտրոն ԾԻԳ տնօրեն Հասմիկ Ղազարյանը:
«Տնտեսապես զարգացած երկրներում այդ ցուցանիշը կազմում է 1:15: Սակայն եթե հաշվի առնենք, թե ինչից ենք մենք սկսել՝ 1:400, ապա առաջընթացը շատ մեծ է: Բայց դեռ գնալու տեղ ունենք»,- ասաց Ղազարյանը:
Նա նշեց, որ ներկայումս իրենց ծրագրով կոնկրետ նախաձեռնություններ չկան տվյալ ցուցանիշի բարելավման ուղղությամբ:
«Սակայն կարծում եմ, որ պետությունը տեղային բյուջեների շրջանակներում ֆինանսական աջակցություն կցուցաբերի տվյալ ծրագրերին»,- ավելացրեց նա:
Ընդհանուր առմամբ հայկական դպրոցներն այսօրվա դրությամբ ապահովված են գրեթե 17 հազ. միավոր համակարգչային տեխնիկայով, որոնք ստացվել են տարբեր աղբյուրներից:
Հայաստանում գործում է ավելի քան 1450 հանրակրթական դպրոց: –0-
Ծանոթացեք լուրերին առաջինն ու քննարկեք դրանք մեր Telegram-ում
10:23 17.10.2012