Ստեփանակերտում «Թումո» կենտրոնի հիմնադրման հետ կապված հարցեր են քննարկվել ԼՂՀ նախագահի և բարերարների հանդիպման ժամանակ
ԵՐԵՎԱՆ, 19 հոկտեմբերի. /ԱՌԿԱ/. Ստեփանակերտում «Թումո» ստեղծարար տեխնոլոգիաների կենտրոնի հիմնադրման հետ կապված հարցեր են քննարկվել Արցախի Հանրապետության նախագահ Բակո Սահակյանի և ամերիկահայ բարերարներ Սեմ և Սիլվա Սիմոնյանների հանդիպման ժամանակ, հաղորդում է ԼՂՀ նախագահի մամուլի ծառայությունը:
Նախագահ Սահակյանը նշել է, որ նման կենտրոնի առկայությունն Արցախում հանդիսանում է ինտելեկտուալ ոլորտում ներդրումների լավագույն տարբերակներից մեկը, որը մեծ խթան կհանդիսանա հանրապետությունում տեղեկատվական տեխնոլոգիաների եւ մատաղ սերնդի մտավոր կարողությունների զարգացման համար:
Երկրի ղեկավարն ընդգծել է, որ այս նախագիծը նաեւ Հայրենիք-Սփյուռք համագործակցության վառ դրսևորում է:
Հանդիպման ընթացքում քննարկվել են մայրաքաղաք Հանդիպմանը մասնակցում էին վարչապետ Արա Հարությունյանը, պաշտոնատար այլ անձինք:
«Թումո» կենտրոնը նախատեսված է 12-18 տարեկան երեխաների տեղեկատվական տեխնոլոգիաներին անվճար ուսուցման համար: Կենտրոնի նպատակն է ծանոթացնել հայ երիտասարդներին առաջատար տեխնոլոգիաների հետ և ուսուցանել դրանք, ինչպես նաև հնարավորություն ընձեռել նրանց հետաքրքրող ՏՏ ոլորտների առավել խորը ուսումնասիրման համար:--0--
Ծանոթացեք լուրերին առաջինն ու քննարկեք դրանք մեր Telegram-ում
13:27 19.10.2012