Հայաստանն ավելի քան 20 մլն դոլար վարկային ռեսուրսներ կներգրավի ՀԲ-ից ՏՏ -start-up-ների համար
ԵՐԵՎԱՆ, 6 փետրվարի. /ԱՌԿԱ/. Հայաստանը 2012թ.-ին ավելի քան 20 մլն դոլար վարկային ռեսուրսներ կներգրավի Համաշխարհային Բանկից՝ ՏՏ -start-up-ների համար, «ԱՌԿԱ» գործակալությանը տված հարցազրույցում հայտնել է ՀՀ էկոնոմիկայի նախարար Տիգրան Դավթյանը:
«Հայաստանում ՏՏ ոլորտն օրական բուռն աճ է ֆիքսում, այդ պատճառով էլ կառավարությունը որոշել է խթանել ոլորտի ներուժի լիովին բացահայտմանը»,- ասել է նախարարը:
Դավթյանը տեղեկացրել է նաև, որ ներդրումների մի մասը կուղղվի Գյումրի քաղաքում երեք-չորս ՏՏ ընկերություն ստեղծելուն: Այդ ընկերությունները, ըստ նախարարի, կգտնվեն Գյումրու տեխնոպարկում, որի շինարարությունը կսկսվի արդեն ընթացիկ տարվա ապրիլ-մայիսին:
Տեխնոպարկի ստեղծման ծրագիրը ՀՀ կառավարության կողմից հաստատվել է դեռևս 2006 թ.-ի մարտի 2-ին: ՀՀ կառավարությունը 2009 թ.-ի ապրիլի 9-ին հավանություն է տվել Գյումրիում տեխնոպարկի գործունեության պետական աջակցության ծրագրին:
Տեխնոպարկ-ինկուբատորի գործունեության հիմնական ուղղություններն կապված են հետևյալ ոլորտների հետ՝ բարձր և տեղեկատվական տեխնոլոգիաներ, արվեստ, մոդելավորում, ոսկեգործություն և զբոսաշրջություն։ Ենթադրվում է, որ տեխնոպարկը հանդես կգա փոքր և միջին բիզնեսի ինկուբատորի դերում, որը կզբաղվի գիտատար արտադրությամբ, ինչը թույլ կտա ընդլայնել երկրի արտահանման հնարավորությունները։
Ըստ Տեղեկատվական տեխնոլոգիաների ձեռնարկությունների միության (UITE) վերջին տվյալների՝ 2010թ.-ին Հայաստանի ՏՏ ոլորտում գրանցվել էր 20 տոկոսանոց աճ, իսկ հաղորդակցությունների ոլորտն առավել բարձր ցուցանիշներ էր ցուցադրել: -0-
Ծանոթացեք լուրերին առաջինն ու քննարկեք դրանք մեր Telegram-ում
14:13 06.02.2012