Երևանում մայիսի 28-ին «Seedstars Երևան» ստարթափների մրցույթ կանցկացվի

ԵՐԵՎԱՆ, 12 մայիսի. /ԱՌԿԱ/. Երևանում մայիսի 28-ին կկայանա «Seedstars Երևան» ստարթափների մրցույթ, որի հաղթողն իր ստարթափը Շվեյցարիայում կայանալիք Seedstars World մրցույթին ներկայացնելու հնարավորություն կստանա:
 
«Seedstars Երևան»-ի կազմակերպիչն է Մայքրոսոֆթ ինովացիոն կենտրոնը՝ Seedstars World ընկերության հետ համատեղ:

Seedstars World-ը ստարթափների մրցույթ է՝ ուղղված զարգացող շուկաներին և արագ զարգացող ձեռնարկատիրական էկոհամակարգերին:

Համաշխարհային մրցույթի հաղթողը կստանա մինչև $500 հազ. ֆինանսավորում, իսկ տարածաշրջանային հաղթողները՝ տարբեր մրցանակներ, այդ թվում՝ մենթորների, հաջողակ ձեռներեցների և այլ ներդրողների կողմից խորհրդատվություն, աքսելերացիայի ծրագրերում մասնակցություն և այլն:

ՄԻԿ Հայաստանից Itel.am-ին տեղեկացրել են, որ «Seedstars Երևան»-ին մասնակցելու հնարավորություն կստանան միայն խոստումնալից ստարթափները:

Մրցույթին մասնակցելու համար հարկավոր է նամակ ուղարկել [email protected] էլեկտրոնային hասցեին` դիմում-հայտը ստանալու համար:

Դիմում-հայտը պետք է հետ ուղարկել մինչև ս.թ. մայիսի 20-ը:-0-

Ծանոթացեք լուրերին առաջինն ու քննարկեք դրանք մեր Telegram-ում

21:15 12.05.2015