Միջազգային վենչուրային Runa Capital հիմնադրամը դիտարկում է հայկական ՏՏ sturt-up-երում ներդրումների հնարավորությունը
ԵՐԵՎԱՆ, 21 մարտի. /ԱՌԿԱ/. Միջազգային վենչուրային Runa Capital հիմնադրամը դիտարկում է հայկական տեխնոլոգիական sturt-up-երում ներդրումների հնարավորությունը, «ԱՌԿԱ» գործակալությանը հայտնեց հայտնի ռուս գործարար, Runa Capital և Quantum Wave Fund վենչուրային հիմնադրամների հիմնադիր և ավագ գործընկեր Սերգեյ Բելոուսովը։
«Մենք ներդրումներ ունենք մի ընկերությունում, որը հիմնված է Հայաստանից եկած մարդկանց կողմից, սակայն այն գտնվում է Մոսկվայում։ Մենք նաև պատրաստվում էինք ներդրումներ կատարել հայկական «Մոնիտիզ» ընեկրությունում, սակայն այն վաճառվեց ամերիկյան ընկերության, և մենք չհասցրեցինք։ Հուսով եմ, որ այցի արդյունքում Հայաստանում ինչ-որ բան կստեղծվի», - ասաց Բելոուսովը, որը Հայաստանում է ճանաչողական այցով։
Խոսելով Runa Capital-ի աշխատանքի մասին` նա նշեց, որ հիմնադրամը փորձում է օգնել start-up-երին բիզնեսի զարգացման կայացման հարցում ոչ միայն ֆինանսավորման, այլև խորհրդատվության միջոցով։
«Այդ պատճառով հաճախ հիմնադրամը շատ ակտիվորեն մասնակցում է start-up-ների զարգացման գործին, օգնում է զարգացնել բիզնեսը, աշխատակիցներ, կարևոր ղեկավարներ վարձել, դուրս գալ տարբեր շուկաներ, բիզնես-ռազմավարություն, նպատակային ռազմավարություն մշակել, գործընկերներ փնտրել, ինչպես նաև համապատասխան ֆինանսավորում փնտրել», - ավելացրեց նա։
Բելոուսովը ուրբաթ Երևանի «Այբ» ավագ դպրոցում վարպետության դաս անցկացրեց «Խելացի փողեր խելացի start-up-երի համար»։ Միջոցառումնը կազմակերպվել էր «Այբ» կրթական հիմնադրամի և Granatus Ventures ընկերության կողմից։
Սերգեյ Բելոուսովը տարբեր տարիների ղեկավարել է ՏՏ ընկերություններ Ռուսաստանում Հյուսիսային Ամերիկայում և Ասիայում։ Parallels և CEO ընկերությունների վարչության նախագահը և գլխավոր տնօրենն է, Acronis ընկերության հիմնադիրը։--0--
Ծանոթացեք լուրերին առաջինն ու քննարկեք դրանք մեր Telegram-ում
16:43 21.03.2014