CityBugs.am հայկական կայքը «Թվային ստեղծագործություն հանուն սոցիալական բարօրության» մրցույթի հաղթող է ճանաչվել
ԵՐԵՎԱՆ, 12 սեպտեմբերի. /ԱՌԿԱ/. CityBugs.am հայկական կայքը «Թվային ստեղծարարություն հանուն սոցիալական բարօրության» (Digital Creativity for Social Good) 2014 թ.-ի մրցույթի հաղթողն է ճանաչվել, հաղորդվում է European Youth Award-ի կայքում:
CityBugs.am կայքը հաղթել է «Կյանք. Էլեկտրոնային շարժունակություն – քաղաքային զարգացում – կայուն տուրիզմ» («Living: e-mobility - urban development - sustainable tourism») անվանակարգում:
Հաղթողները հրավիրվել են նոյեմբերի 19-22-ը այցելել Ավստրիայի Գրաց քաղաք, որտեղ նրանք կարող են ներկայացնել իրենց նորարարական նախագծերը միջազգային լսարանին և իրականացնել իրենց նախաձեռնությունները որակապես նոր մակարդակում:
CityBugs.am-ը սոցիալական հարթակ է, որը մշակվել է սոցիալապես կարևոր հարցերի քննարկման համար, որտեղ յուրաքանչյուրն իրական հնարավորություն ունի ներկայացնելու իր խնդիրն ու գրավել մնացած մասնակիցների ուշադրությունը իր համայնքի առօրյա խնդիրների նկատմամբ, ինչպես նաև առաջարկել խնդրի լուծման նորարարական ուղիներ: Կայքը ստեղծվել է 2011 թ.-ին ԱՄՆ-ի միջազգային զարգացման գործակալության (USAID) աջակցությամբ, սակայն միայն վերջերս է ակտիվ գործարկվել:-0-
Ծանոթացեք լուրերին առաջինն ու քննարկեք դրանք մեր Telegram-ում
17:46 12.09.2014