Hackathon[YAN] Flight 2013-ի արդյունքներով`Երևանում լավագույն թիմեր են ճանաչվել Musella–ն և Secret Wishes–ը
ԵՐԵՎԱՆ, 24 դեկտեմբերի. /ԱՌԿԱ/. Hackathon[YAN] Flight 2013–ի արդյունքներով` Երևանում լավագույն թիմեր են ճանաչվել Musella–ն և Secret Wishes–ը, հաղորդեցին Microsoft–ի նորարարական կենտրոնի մամուլի ծառայությունից։
Ինչպես նշեցին Կենտրոնից, «Լավագույն հավելված» անվանակարգում հաղթող է ճանաչվել Musella թիմը` լավագույն բջջային հավելվածի համար, որը թույլ է տալիս մեղեդիներ վերարտադրել գունային գամայի օգտագործմամբ։ Որպես լավագույն թիմ ժյուրիի կողմից ճանաչվեց Secret Wishes–ը` սոցիալական ցանցերի աշխատանքի համար իր հարթակի համար, որը համատեղ ցանկությունների իրականացման համար «ընկերների» շրջանում շփում է ենթադրում։ Այդ երկու թիմերը կիսեցին 1 մլն դրամի չափով գլխավոր մրցանակը։
Խրախուսական մրցանակները` նոր սերնդի սմարթֆոնները, լավագույն բիզնես գաղափարի համար ստացավ Jointly me թիմը, «Ավազ» թիմը` լավագույն խաղի և amenalav.am թիմը` ամենանորարար մոտեցման համար։
Բացի այդ, ինչպես հաղորդեցին Կենտրոնից, բոլոր հաղթողները Ucom ընկերության ծառայության բաժանորդագրման անվճար փաթեթներ են ստացել։ Խրախուսական մրցանակներ են նաև հանձնվել Քաղաքացիական ավիացիայի գլխավոր վարչության և «Զվարթնոց» միջազգային օդանավակայանի կողմից։
«Ամերիա» ընկերությունների խումբն ի սկզբանե նախատեսում էր iPhone 5 հատուկ մրցանակը` ֆինանսական ոլորտում լավագույն նորարարական լուծման մշակման համար, որի բացակայության պատճառով մրցանակը հանձնվել է գործունեության առավելագույն ազատություն տրամադրող մշակման համար։ Մրցանակը ստացել է Նարեկ Հայրապետյանը` գործունեության ազատությունը ներկայացնող Mussela նախագծի համար։
Hackathon[YAN] Flight 2013 նորարար գաղափարների և ծրագրավորման ամենամյա մրցույթն անցկացվել է Երևանում դեկտեմբերի 21–22–ը։ Միջոցառման կազմակերպիչներն են Մայքրոսոֆթ ինովացիոն կենտրոնը, Հանրային լրագրության ակումբը, Զվարթնոց միջազգային օդանավակայանը՝ Մայքրոսոֆթ ընկերության, Քաունթերփարթ ինթերնեշնլի հետ համատեղ։ --0—
Ծանոթացեք լուրերին առաջինն ու քննարկեք դրանք մեր Telegram-ում
16:14 24.12.2013