Չինական ռոբոտները հարսանեկան արարողության են մասնակցել
Ինչպես հաղորդում է ՏԱՍՍ–ը, հղում անելով «Չժունգո ժիբաո» թերթին, օրերս ռոբոտները մասնակցել են Չինաստանի հյուսիս–արևելքում գտնվող Լյաոնին գավառի վարչական կենտրոնում` Շենհյան քաղաքում կազմակերպված խմբակային հարսանեկան արարողությանը։
Զվարճալի մարդանման սարքերը ողջունել են հարսանիքի հյուրերին, առաջարկել գինի և նախուտեստ, վառել մոմերը և անգամ կենաց ասել` պատմելով հետաքրքիր պատմություններ իրենց նախկին կյանքի մասին և կանխատեսելով լուսավոր ապագա։
Հարկ է նշել, որ և՛ ռոբոտները, և՛ հինգ նորապսակ զույգերն աշխատում են միևնույն ընկերությունում, որը զբաղվում է ռոբոտների և ավտոմատ սարքերի մշակմամբ և արտադրությամբ, այնպես որ հարսանիքը, մասամբ, կարելի էր համարել գովազդային ակցիա։
Ընկերության ղեկավարությունը չի բացառում, որ մոտ ապագայում կսկսի սարքերի զանգվածային արտադրություն, որոնք կկատարեն ամուսնությունների և քաղաքացիական կացության այլ ակտերի գրանցման հաստատության աշխատակիցների գործառույթները։ –0–
Ծանոթացեք լուրերին առաջինն ու քննարկեք դրանք մեր Telegram-ում
12:32 25.01.2016