Samsung–ը ծրագրում է Galaxy S սմարթֆոնի փոքրացված տարբերակը ներկայացնել Եվրոպայում
ԵՐԵՎԱՆ, 11 հոկտեմբերի. /ԱՌԿԱ/. Հարավկորեական Samsung Electronics ընկերությունը ծրագրում է հինգշաբթի Գերմանիայում ներկայացնել իր Galaxy S III ֆլագմանական սմարթֆոնի սեղմատարբերակը, հայտնում է Ռոյթերս գործակալությույնը` հղում անելով Samsung-ի բջջային բաժնի ղեկավար Ջեյ Քեյ Շինին (JK Shin), հաղորդում է ՌԻԱ Նովոստին։
4.8 դյույմ անկյունագծով էկրան ունեցող Galaxy S III–ի օրիգինալ տարբերակը Samsung–ը ներկայացրել է այս տարվա մայիսին։ Սարքի հաջողված վաճառքների հաշվին ընկերությունն ակնկալում է երրորդ եռամսյակի արդյունքներով ստանալ մոտ 7.3 միլիարդ դոլարի ռեկորդային գործառնական շահույթ։
Galaxy S III կոմպակտ տարբերակն ուղղակիորեն կմրցակցի 4–դյույմանոց Apple–ի iPhone 5 սմարթֆոնի հետ, որի վաճառքները սկսվել են սեպտեմբերին։ Հատկանշական է, որ Apple–ը նոր սարկքում, հակառակը, որոշել է ավելացնել դիսփլեյի չափը` iPhone–ի նախորդ տարբերակներն ունեին 3.5 դյույմանոց անկյունագծով էկրան։
«Կարծում ենք, որ 4–դյույմանոց էկրանով մոդելների պահանջարկը Եվրոպայում մեծ կլինի», – Շինի խոսքն է մեջբերում Samsung–ի ներկայացուցիչը։
Ըստ նրա, սարքը սկզբում կգործարկվի հենց եվրոպական շուկայում։ Թեև շուկայում լուրեր էին պտտվում այն մասին, թե Samsung–ը կարող է թողարկել Galaxy S III ոչ թանկ տարբերակ, ընկերության ներկայացուցիչներն ասում են, որ Galaxy S III Mini–ն չի պատկանի բյուջետային սմարթֆոնների կարգին։ -0-
Ծանոթացեք լուրերին առաջինն ու քննարկեք դրանք մեր Telegram-ում
11:39 11.10.2012