Ucom-ն առաջարկում է գնել սմարթֆոն և ստանալ անլար ականջակալ ու գեղեցիկ հեռախոսահամար

ԵՐԵՎԱՆ, 14 հունիսի./ԱՌԿԱ/. Ամառային առաջարկի շրջանակներում մինչև հուլիսի 31-ը ներառյալ Ucom-ում ցանկացած ապրանքանիշի սմարթֆոն ձեռք բերելու դեպքում բոլոր բաժանորդները կստանան անլար ականջակալ, ինչպես նաև գեղեցիկ հեռախոսահամար: Ավելին, գնորդները կունենան Level Up 1700 սակագնային պլանից 1 ամիս անվճար օգտվելու հնարավորություն, հաղորդում է Ucom ընկերության մամուլի ծառայությունը:

Նշենք, որ անլար ականջակալները հատկապես կգոհացնեն ակտիվ սպորտը նախընտրող անձանց, քանի որ շատ թեթև են և հարմար ականջին: Միևնույն ժամանակ ունեն խոնավությունից պաշտպանվելու հնարավորություն, ինչպես նաև ապահովում են որակյալ ձայն 8 մմ տրամագծով և 93 դԲ զգայունությամբ բարձրախոսների շնորհիվ։

«Ինչպես Ucom-ի վաճառքի և սպասարկման սրահներում, այնպես էլ առցանց խանութում հնարավոր է ձեռք բերել ժամանակակից սմարթֆոններ, այդ թվում՝ Xiaomi Redmi Note 10S-ը, Honor X8-ը, iPhone 13-ը և այլն: Ի դեպ, դրանք հասանելի են նաև ապառիկի լավագույն պայմաններով․ առաջին 12 ամսվա համար՝ 0% կանխավճարի, 0% տարեկան տոկոսադրույքի և 0% սպասարկման վճարի հնարավորությամբ», - ասել է «Յուքոմ» ընկերության գլխավոր տնօրեն Արա Խաչատրյանը։

Հավելենք նաև, որ Level Up 1700 կանխավճարային սակագնային պլանով տրամադրվում է 200 րոպե դեպի տեղական բոլոր ցանցեր, Արցախ, ԱՄՆ, Կանադա զանգելու համար, 6 ԳԲ շարժական ինտերնետի ծավալ, ինչպես նաև ավելի քան 18 հայտնի հավելվածներից անվճար օգտվելու հնարավորություն: Այդ հավելվածներից են, մասնավորապես, WhatsApp-ը, Telegram-ը, Viber-ը, Skype-ը, Zoom-ը, Duolingo-ն, Microsoft Teams-ը և Google Meet-ը։  

Ucom հայկական ընկերությունը (Universal Communications) հիմնադրվել է 2007թ.–ին։ Ucom–ը, լինելով Հայաստանի հեռահաղորդակցական շուկայի առաջատարներից մեկը, տրամադրում է ոլորտի ծառայությունների ամբողջ շրջանակը` գերարագ սիմետրիկ ինտերնետ, IP հեռուստատեսություն, թվային հեռախոսակապ։–0–

Ծանոթացեք լուրերին առաջինն ու քննարկեք դրանք մեր Telegram-ում

13:02 14.06.2022