Ամանորին ընդառաջ Ucom-ն առաջարկում է հատուկ գնով սմարթֆոններ ձեռք բերել և ստանալ 20 ԳԲ ինտերնետ
ԵՐԵՎԱՆ, 6 դեկտեմբերի. /ԱՌԿԱ/. Ամանորին ընդառաջ՝ մինչև հունվարի 31-ը Ucom վաճառքի և սպասարկման կենտրոններից հատուկ գնով սմարթֆոններ ձեռք բերելու դեպքում բաժանորդները կստանան 20 ԳԲ շարժական ինտերնետ 6 ամսվա համար, հաղորդում է Ucom ընկերության մամուլի ծառայությունը։
Մասնավորապես՝ Android One օպերացիոն համակարգով աշխատող Xiaomi Mi A2 Lite սմարթֆոնը հնարավոր կլինի ձեռք բերել 87 900 դրամով, նախկին 104 900-ի փոխարեն, իսկ 2018 թվականի արտադրության Samsung Galaxy J4 սմարթֆոնը՝ 67 900 դրամով:
Ավելին, Ucom կանխավճարային ծառայության, ինչպես նաքև հետվճարային Ունիվերսալ կամ Ունիվերսալ Պլյուս սակագնային պլանների նոր և առկա բաժանորդները կստանան 20 ԳԲ ծավալով ինտերնետ 6 ամսվա համար՝ առանց որևէ պարտավորության։ Սմարթֆոնները հնարավոր է ձեռք բերել կանխիկ կամ ապառիկ տարբերակով։
«Այս տարվա ընթացքում բազմաթիվ գնիջեցման առաջարկներով ենք հանդես եկել, ընդ որում՝ բացարձակապես չսպասելով որևէ հատուկ առիթի։ Ucom-ի հաճախորդները քաջատեղյակ են, որ կարող են ցանկացած պահի ձեռք բերել նորագույն սմարթֆոններ՝ երաշխիքային և հետերաշխիքային սպասարկման հնարավորությամբ», - ասել է Ucom ընկերության համահիմնադիր և գլխավոր տնօրեն Հայկ Եսայանը։
Ընկերությունից նաև նշում են, որ 20 ԳԲ ինտերնետ փաթեթը կտրամադրվի Ucom-ից ձեռք բերվող բոլոր սմարթֆոնների հետ: Սմարթֆոնների հնարավորություններին կարելի է ծանոթանալ Ucom-ի ինտերնետ խանութում։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ:–0–
Ծանոթացեք լուրերին առաջինն ու քննարկեք դրանք մեր Telegram-ում
13:12 06.12.2018