Սան Ֆրանցիսկոյում Ucom-ի և Calix-ի ներկայացուցիչները ուրվագծել են հեռահաղորդակցության ոլորտի ապագան

ԵՐԵՎԱՆ, 16 հունիսի. /ԱՌԿԱ/. Օրերս Calix ընկերության նախաձեռնությամբ Սան Ֆրանցիսկոյում կայացել է տեխնիկական առաջատար լուծումներ առաջարկող ընկերության հաճախորդների խորհրդի նիստը, որի կազմում են համաշխարհային ճանաչում ունեցող այնպիսի ընկերությունների տեխնիկական գծով տնօրեններ ու գլխավոր փոխտնօրեններ, ինչպիսիք են Verizon-ը, IQNET-ը, EATEL-ը և այլն:

Ucom ընկերության մամուլի հաղորդագրության համաձայն, Ucom–ի ներկայացուցիչները նույնպես ընդգրված են վերոնշյալ խորհրդի կազմում:

«Երկու տարի առաջ Calix ընկերությունն իր 1000-ից ավելի հաճախորդներից ընտրեց և նորարարական մրցանակի հաղթող ճանաչեց հենց Ucom ընկերությանը, որի ֆիքսված ցանցի կայացման մեջ մենք առանցքային դեր ունենք: Ներկայումս Ucom-ը բավականին նախաձեռնող է մեր նորագույն՝ NGPON 2 տեխնոլոգիայի ներդրման առումով, որն աշխարհի մասշտաբով ամենանորարարական ու առաջատար լուծումն է», - նշել է Calix ընկերության կորպորատիվ մարկետինգի գլխավոր տնօրեն Ջեֆֆ Բուրկը:

Խորհրդի գործունեության հիմնական նպատակն է տեխնիկական զարգացման ութվային դարաշրջանի մարտահրավերներին դիմակայելու ռազմավարական պլանների մշակումը, հետադարձ կապի ապահովումը և Calix-ի առաջարկների քննարկումը: Խորհրդի անդամները ներկայացնում են տարաբնույթ շուկաներ և հետադարձ կապ են ապահովում Calix-ի բարձրաստիճան ղեկավարության համար, ովքեր ջանում են աջակցել իրենց հաճախորդներին հեռահաղորդակցության շուկայում նորարարական լուծումներով հանդես գալու, բիզնես մարտահրավերներին դիմակայելու, տեխնոլոգիական առաջընթացն ապահովելու և այդպիսով՝ սպասարկման որակը բարձրացնելու գործում:

«Calix ընկերության կողմից մշակված նոր տեխնոլոգիան մեզ հնարավորություն է ընձեռում ներկայիս ֆիքսված ցանցի 1 գիգաբիթ/վրկ արագությունը հասցնել 10 գիգաբիթ/վայրկյանի: Բացի այդ հնարավոր կլինի նոր ծառայություններ տրամադրելUcom-ում առկա երեք տեսակի ցանցերի միջոցով, որոնք ոչ թե առանձնացված կերպով, այլ մեկ ընդհանուր ենթակառուցվածքով պետք է աշխատեն: Նոր լուծումը կբերի թե՛ կապիտալ ներդրումների ծախսերի, և թե՛ օպերացիոն ծախսերի կրճատմանը, ինչից, անշուշտ կշահեն մեր բաժանորդները», - մանրամասնել է Ucom ընկերության տեխնիկական գծով տնօրեն Գևորգ Գևորգյանը:

Հեռահաղորդակցության համաշխարհային շուկան ներկայացնող մի շարք խոշոր ընկերությունների ներկայացուցիչներ քննարկել են ցանցի վերափոխման տեխնիկական առանձնահատկությունները, գործառնական բարդությունների նվազեցման ուղիները, հաճախորդների կարիքների կանխատեսման ու օր առաջ բավարարման հնարավորությունները: Կողմերն անդրադարձել են ինչպես ֆիքսված ցանցի, այնպես էլ շարժական ցանցի համատեղ զարգացման հետագա պլաններին, մանրամասնել են, թե ինչպիսին կլինեն հաջորդ սերնդի ցանցի հնարավորությունները և ինչ առավելություններ այն կարող է ընձեռել սեփական OTT-լուծումներ մշակող այնպիսի օպերատորների համար, ինչպիսիք են, օրինակ, Ucom-ը և Verizon-ը:

«Calix ընկերության տեխնոլոգիաների շնորհիվ է, որ մեր բաժանորդներին է հասնում ֆիքսված ինտերնետն ու հեռուստատեսային ազդակը: Այդ ընկերության հետ գործակցությունը շարունակական է: Տվյալ պահին փորձարկում ենքնորարարական մի լուծում, որը մեր բաժանորդներին թույլ կտա վայելել ավելի մեծ արագություններ ու ավելի լավ հեռուստատեսային որակ», - նշել է Ucom ընկերության մարքետինգի և հաղորդակցության գծով տնօրեն Տիգրան Սաֆարյանը:

Ucom (Universal Communications) հայկական ընկերությունը հիմնադրվել է 2007 թ.: Հանդիսանալով Հայաստանյան հեռահաղորդակցային շուկայի առաջատարներից մեկը, Ucom ընկերությունը առաջարկում է այս ոլորտում ծառայությունների լիարժեք շարք՝ գերարագ սիմետրիկ ինտերնետ, IP հեռուստատեսություն և ֆիքսված թվային հեռախոսակապ: Համագործակցելով Ericsson ընկերության հետ, Ucom-ը կառուցում է նոր սերնդի ամենամեծ օպտիկամանրաթելային ցանցը Հայաստանում: -0-