Apple հետ մենամարտում Տոկիոյի դատարանը պաշտպանել է Samsung–ին

ԵՐԵՎԱՆ, 31 օգոստոսի. /ԱՌԿԱ/. Samsung–ի և Apple–ի դիմակայության հերթական փուլն անցել է Տոկիոյում, որտեղ դատարանը պաշտպանել է հարավկորեական ընկերությանը, հայտնում է Ռոյթերսը։

Տոկիոյի շրջանային դատարանը հանգել է եզրակացության, որ Սամսունգն իր գաջեթները ստեղծելիս չի օգտագործել Apple–ի տեխնոլոգիաները և, հետևաբար, հեղինակային իրավունքներ չի խախտել, հաղորդում է rbc.ru–ն։

Այդ հաջողությունը կարելի է համարել հարավկորեական ընկերության հարաբերական հաղթանակը, քանի որ նախորդ շաբաթ Samsung–ը պարտվեց Apple–ին ամերիկյան տարածքում։ Այնտեղ դատարանը մերժեց հարավկորեական ընկերությանը, միաժամանակ նշելով, որ Apple–ի տեխնոլոգիաներն օգտագործվել են Samsung Galaxy–ի ստեղծման ժամանակ։ Դա կարող է հանկգեցնել Միացյալ Նահանգներում այդ սարքերի վաճառքի արգելմանը, հայտնում է rbc.ru–ն։

Սեուլի դատարանն իր հերթին այս շաբաթ եկել է եզրահանգման, որ երկու ընկերություններն էլ հեղինակային իրավունքներ են խախտել, սակայն խոսքը գաջեթների հին մոդելների մասին է, հետևաբար, նոր սարքերի արգելման մասին խոսք լինել չի կարող։

Տեխնոլոգիական խոշորագույն հսկաներն արդեն առաջին տարին չէ, որ պատենտային պատերազմի մեջ են։ Առաջին դատական այցը տրվել է ամերիկյան կորպորացիայի կողմից 2011 թվականի ապրիլին, երբ մեղադրում էր Samsung–ին իր սարքերի դիզայնի կրկնօրինակման մեջ։ Samsung–ը միևնույն ժամանակ հակընդեմ մի շարք հայցեր է ներկայացրել մի քանի երկրներում։

Samsung–ն Apple Inc.–ի հիմնական հակառակորդներից է սմարթֆոնների և պլանշետային համակարգիչների շուկայի առաջատարի դերի պայքարում։ Հարավկորեական ընկերության գաջեթներն աշխատում են Android պլատֆորմով, որն այս պահին աշխարհում բջջային սարքերի ամենամեծ ճանաչում վայելող օպերացիոն համակարգն է` առաջ անցնելով Apple–ի iOS–ից, Microsoft–ի Windows Mobile–ից, Research in Motion–ի (RIM) BlackBerry–ից և  Nokia–ի OS և Symbian–ից։ -0-

Ծանոթացեք լուրերին առաջինն ու քննարկեք դրանք մեր Telegram-ում

14:29 31.08.2012