Beeline-ը արդիականացրել է հեռախոսային ցանցը Գյումրու Անի թաղամասում
ԵՐԵՎԱՆ, 31 օգոստոսի. /ԱՌԿԱ/. «ԱրմենՏել» ՓԲԸ–ն (ապրանքանիշը`Beeline) հայտարարում է Գյումրու Անի թաղամասում ֆիքսված հեռախոսակապի ենթակառուցվածքի արդիականացման ավարտի մասին, հաղորդում է ընկերության մամուլի ծառայությունը։
Ժամանակակից տեխնիկական սարքավորումների շնորհիվ թաղամասի բնակիչներին հասանելի կլինի նոր որակի հեռախոսակապ և ADSL ինտերնետ, որի արագությունը հասնում է մինչև 10 Մբ/վրկ.:
«Beeline-ը Հայաստանում շարունակում է երկիրը և երկրի բնակիչներին կապի բոլոր միջոցներով ապահովելու բարի ավանդույթը: Մենք շարունակում ենք մեկ դարից ավելի իրականացվող այդ առաքելությունը և այսօր մեծ գումարներ ենք ներդնում, որպեսզի մեր կապը դարձնենք ավելի լավը ոչ միայն Երևանում, այլև բոլոր մարզերում: Վստահ եմ, որ այժմ Անի թաղամասի բնակիչները կկարողանան ոչ միայն ըստ արժանվույն գնահատել Beeline-ի օպտիկա-մանրաթելային ինտերնետը, այլև կվայելեն մեր ADSL ինտերնետի մի քանի անգամ բարձրացված որակը», - ասել է Հայաստանում Beeline-ի գլխավոր տնօրեն Անդրեյ Պյատախինը:
Նշենք, որ արդիականացումից հետո Անի թաղամասի Beeline-ի բաժանորդների ֆիքսված հեռախոսահամարները կփոխվեն: Յուրաքանչյուր բաժանորդ այդ մասին կտեղեկացվի անհատապես: Բացի այդ, բոլորի համար 6 ամսով միացվելու է հին համարին զանգահարելիս համարի փոփոխության մասին տեղեկացման ավտոմատ ծառայությունը: Հիշեցնենք նաև, որ նշված թաղամասում բաժանորդներին այժմ հասանելի են Beeline-ի օպտիկա-մանրաթելային և ADSL ինտերնետի ծառայությունները:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ:-0-
Ծանոթացեք լուրերին առաջինն ու քննարկեք դրանք մեր Telegram-ում
15:44 31.08.2017