Կարգավորիչը նոր սեփականատիոջ անվամբ ամբողջությամբ վերաձևակերպել է «ՎԵՈՆ Արմենիա» ՓԲԸ-ի լիցենցիան

ԵՐԵՎԱՆ, 24 դեկտեմբերի./ԱՌԿԱ/. Հանրային ծառայությունները կարգավորող հանձնաժողովը լիարժեք վերաձևակերպել է  «ՎԵՈՆ Արմենիա» ՓԲԸ-ի լիցենզիան («ԱրմենՏել» փակ բաժնետիրական ընկերություն):

Հանձնաժողովի որոշման համաձայն, «Տելեկոմ Արմենիա» փակ բաժնետիրական ընկերության անվամբ վերաձևակերպել Հայաստանի Հանրապետության հանրային ծառայությունները կարգավորող հանձնաժողովի 2007 թվականի օգոստոսի 24-ի №341Ն որոշմամբ հաստատված «ԱրմենՏել» փակ բաժնետիրական ընկերությանը տրամադրված №60 լիցենզիայի փոփոխված տարբերակը։

Հանձնաժողովի որոշումն ուժի մեջ է մտնում հրապարակմանը հաջորդող օրվանից:

ՀԾԿՀ-ի մեկ այլ որոշմամբ,  ընկերության նկատմամբ տուգանք է սահմանվել 1 միլիոն դրամի չափով, քանի որ այն շուկայում գերակշռող դիրք է զբաղեցնում «Արփինետ» ընկերությանը միացման հնարավորություններ չտրամադրելու համար:

Ընկերության վաճառքի մասին

Կապի և ինտերնետի համաշխարհային առաջատար մատակարար VEON Ltd.-ն 2020թ.-ի հոկտեմբերի 29-ին հայտարարել է Հայաստանում իր «ՎԵՈՆ Արմենիա» ՓԲԸ (ապրանքանիշը` Beeline) ընկերությունը «Թիմ» ընկերությանը վաճառքի պայմանագրի կնքման մասին:Գործարքի գումարը հավասար է EV/EBITDA–ը բազմապատկած 2,9–ով, որպես հիմք վերցված է 2019թ.–ի EBITDA–ը։

Արդեն նոյեմբերի 16-ին ընկերությունից հատնում են, որ «ՎԵՈՆ Արմենիա»-ն նոր իրավաբանական անվանում է ստացել՝ «Տելեկոմ Արմենիա»: Ընդ որում, ընկերությունից միաժամանակ հայտնում են, որ ընկերությունը դեռևս կշարունակի հանդես գալ և տրամադրել ծառայությունները Beeline անվան ներքո:

Ընկերությունների մասին

Մի քանի ամիս առաջ ստեղծված «Team» ՓԲԸ հեռահաղորդակցական ընկերության (ապրանքանիշ TEAM.Telecom Armenia) հիմնադիրներն են Հայկ և Ալեքսանդր Եսայանյան եղբայրները (Ucom- ի հիմնադիրներն ու երկարաժամկետ ղեկավարները): Նոր ընկերությունը գրանցվել է 2020 թվականի ապրիլի 20-ին «Օլնեթ» անվան տակ, այնուհետև այն վերանվանվել է «TEAM» ԲԲԸ և ՀԾԿՀ-ից ստացել հեռահաղորդակցական գործունեության լիցենզիա:

«ՎԵՈՆ Արմենիա» ՓԲԸ-ն (Beeline ապրանքանիշ) «ՎԵՈՆ» ընկերությունների խմբի մի մասն է, որն աշխարհի խոշորագույն ինտեգրված օպերատորներից մեկն է: 2007թ.–ի ապրիլից «ՎԵՈՆ Արմենիա» ՓԲԸ–ի 100% –ը (ավելի վաղ «ԱրմենՏել» ՓԲԸ) պատկանում է Veon ընկերությունների խմբին։ «ՎԵՈՆ Արմենիան» տրամադրում է ֆիքսված և բջջային կապի ծառայություններ։–0–

Ծանոթացեք լուրերին առաջինն ու քննարկեք դրանք մեր Telegram-ում

12:53 24.12.2020