Ucom-ում մեկնարկել է «2021-ին միայն լավ լուրեր» արշավը
ԵՐԵՎԱՆ, 17 դեկտեմբերի./ԱՌԿԱ/. Դեկտեմբերի 17-ից Ucom-ում մեկնարկել է «2021-ին միայն լավ լուրեր» արշավը, հաղորդում է ընկերության մամուլի ծառայությունը:
Ucom սպասարկման կենտրոններից կանխիկ կամ ապառիկ Samsung Galaxy A21s 32ԳԲ սմարթֆոն ձեռք բերելու դեպքում գնորդները որպես նվեր կստանան անլար ականջակալներ, ինչպես նաև՝ u1500 կանխավճարային քարտ կրկնակի ինտերնետի ծավալով 24 ամիս շարունակ, ընդ որում՝ առաջին ամսվա ընթացքում անվճար կօգտվեն ծառայություններից։ Ucom-ի հաղորդագրության համաձայն, Samsung Galaxy A21s 32ԳԲ սմարթֆոնը հնարավոր է ձեռք բերել ապառիկ սկսած 4950 դրամից, մինչև 36 ամիս մարման ժամկետով, իսկ կանխիկ՝ 131 900 դրամով։ Սմարթֆոնը ներկայացված է սև, կապույտ և կարմիր գույներով, Hiper Air Soft անլար ականջակալներն էլ` սև, կարմիր և կանաչ երանգներով։ Samsung Galaxy A21s-ն ունի արհեստական բանականության օգնությամբ աշխատող 4 տեսախցիկ, որոնցից հիմնականը 48 մեգապիքսել կետայնությամբ է, էկրանը մեծ է՝ 6․5-դյույմանոց, իսկ 5000 մԱ/ժ հզորությամբ մարտկոցը կծառայի ողջ օրվա ընթացքում։
«2021 թվականին մտերիմների հետ լավ լուրերով կիսվել կարող են նաև այն բաժանորդները, ովքեր ավելի փոքր բյուջե են նախատեսել սմարթֆոն գնելու համար։ Այս ժամանակահատվածում Ucom-ն առաջարկում է ձեռք բերել նաև Realme C 11 սմարթֆոնն ապառիկ՝ սկսած 2400 դրամից մինչև 36 ամիս մարման ժամկետով, կամ կանխիկ՝ 63 900 դրամով», - նշել է Ucom ընկերության գլխավոր տնօրեն Արա Խաչատրյանը։
Մոխրագույն Realme C 11 սմարթֆոնը ձեռք բերելու դեպքում գնորդները կստանան u1500 կանխավճարային քարտ կրկնակի ինտերնետի ծավալով 24 ամիս շարունակ, և նույնպես անվճար կօգտվեն ծառայություններից առաջին ամսվա ընթացքում։ Realme C 11-ի գնորդները ձեռք կբերեն ոչ միայն հզոր՝ 5000 մԱ/ժ մարտկոցով, արհեստական բանականությամբ աշխատող կրկնակի տեսախցիկներով (13 Մպ և 2 Մպ), դեմքի ուրվագծերով ապաբլոկավորվող, 6․5-դյույմանոց մեծ էկրանով սմարթֆոն, այլև մտերիմների հետ լավ լուրերով և ջերմ հույզերով կիսվելու հրաշալի հնարավորություն։
Samsung Galaxy A21s 32ԳԲ և Realme C 11 սմարթֆոն ձեռք բերելու դեպքում վերը նշված նվերներին ի լրումն uԿանխավճարային, Ունիվերսալ/Ունիվերսալ Պլյուս ծառայությունների նոր և առկա բաժանորդները նույնպես կստանան կրկնակի գիգաբայթեր 24 ամիս շարունակ՝ համաձայն ընտրված սակագնային պլանի:
Հավելենք, որ ոչ միայն նշյալ սմարթֆոնները, այլև մյուս մոդելները, ինչպես նաև պլանշետները, աքսեսուարները, ինքնագնացները և խելացի տան համար նախատեսված սարքավորումները հնարավոր է ձեռք բերել թե՛ կանխիկ, և թե՛ ապառիկ տարբերակով առցանց՝ Ucom-ի ինտերնետ խանութից։
Ucom ընկերությունը Հայաստանում 2009թ. սկսած կառուցել է գերժամանակակից օպտիկամանրաթելային ցանց, որը հնարավորություն է տալիս մեկ կապուղով մատուցել երեք ծառայություն՝ ինտերնետ, հեռուստատեսային ծառայություն և հեռախոսակապ: 2015թ. հունիսի դրությամբ ընկերությունն ունի ավելի քան 100 000 բաժանորդ և 800-ից ավելի աշխատակից: Համագործակցելով համաշխարհային գերհզոր ընկերությունների հետ` Ucom–ը կարողացել է իր հաստատուն դիրքը գրավել Հայաստանի հեռահաղորդակցման շուկայում:-0-
Ծանոթացեք լուրերին առաջինն ու քննարկեք դրանք մեր Telegram-ում
15:20 17.12.2020
