Ucom-ն առաջարկում է ձեռք բերել որակյալ ու մատչելի սմարթֆոն և 6 ամիս անսահմանափակ զանգել ցանցի ներսում ու Ռուսաստանի ՄեգաՖոն ցանց

ԵՐԵՎԱՆ, 15 օգոստոսի. /ԱՌԿԱ/. Ucom ընկերությունը հանդես է գալիս 4G սմարթֆոն ձեռք բերելու նոր՝ աշնանային առաջարկով։ Ընկերության մամուլի ծառայության հաղորդագրության համաձայն, այսօրվանից 5-դյույմանոց էկրանով «fly Nimbus 10» սմարթֆոնը հնարավոր է ձեռք բերել առանց պարտավորության, ընդամենը 34 900 դրամով։

Ավելին, նրանք, ովքեր ձեռք կբերեն սմարթֆոնը, 6 ամիս շարունակ անվճար կստանան 1ԳԲ ինտերնետ, ինչպես նաև Ucom և Ռուսաստանի ՄեգաՖոն ցանց անսահմանափակ զանգեր ներառող փաթեթը:

«Բոլոր նրանք, ովքեր ցանկանում են ունենալ որակյալ և մատչելի սմարթֆոն և վայելել տարածաշրջանում ամենաարագ 4G+ կապի հնարավորությունները, պետք է շտապեն Ucom վաճառքի և սպասարկման կենտրոններ և օգտվեն այս առաջարկից», - նշել է Ucom ընկերության գլխավոր տնօրեն Հայկ Եսայանը։

Ucom (Universal Communications) հայկական ընկերությունը հիմնադրվել է 2007 թ.: Հանդիսանալով Հայաստանյան հեռահաղորդակցային շուկայի առաջատարներից մեկը, Ucom ընկերությունը առաջարկում է այս ոլորտում ծառայությունների լիարժեք շարք՝ գերարագ սիմետրիկ ինտերնետ, IP հեռուստատեսություն և ֆիքսված թվային հեռախոսակապ: Համագործակցելով Ericsson ընկերության հետ, Ucom-ը կառուցում է նոր սերնդի ամենամեծ օպտիկամանրաթելային ցանցը Հայաստանում: -0-

Ծանոթացեք լուրերին առաջինն ու քննարկեք դրանք մեր Telegram-ում

15:31 15.08.2017